web counter
LEXO PA REKLAMA!

SHKARKO APP

App Store
Google Play

Aktivisti zbulon planin e qeverisë/ “Nuk do të pranojmë atë që po gatuhet në kurrizin tonë”

12 Nëntor 2022, 17:22, Politikë CNA

Aktivisti zbulon planin e qeverisë/ “Nuk do të pranojmë

Aktivisti Aulon Kalaja ka zbuluar se plani i qeverisë është që të përzërë të gjithë shqiptarët nga vendi.

Në fjalimin e tij Kalaja tha se shqiptarët nuk do ta pranojnë atë që po gatuhet në kurriz të tyre.

“Deri para pak kohësh të flisje për shpopullimin, të quanin të çmendur. Sot shqiptarët po ikin nga sytë-këmbët. Po braktisin trojet. Këtu nuk kemi të bëjmë me një rastësi, por me një axhendë të paramenduar.

Prandaj duhet të merremi me politikë, jo vetëm se po qeverisemi nga inferiorët, por se këta kanë një plan që të na përzënë të gjithëve.

Ty të grabisin tokën që s’e punon. Ty të shembin shtëpinë. Ty s’të fusin në punë. Ty të vrau policia. Ne na kanë vrarë shpresën. Të gjithëve po na nxijnë jetën!

Ne nuk do ta pranojmë eksperimentin që po gatuhet në atdheun tonë. Nderi i të parëve na thërret. Gjaku i të parëve na thërret. Çfarë patriotësh jemi ne, që nuk e bëjmë Shqipërinë një vend më të mirë!

Familja krijoi dhe mbrojti kombin shqiptar. Ashtu ka qenë. Kështu është. Familja shqiptare është e shenjtë. Mos e prek familjen. Ndal!

Kjo thirrje, që u kthye në rezistencë, e rezistenca në shpëtim, le të jetë arma jonë kundër politikave të shpopullimit dhe shkatërrimit të familjes.

Këta mendojnë se ne nuk kemi ideale për ta mbrojtur kombin, familjen dhe besimin, por këta harrojnë se këto janë arsyet pse rrojmë. A jeni me mua apo jo?!

Të zeza dhe rrënime janë shfaqur dekadën e fundit dhe ky po sillet ndaj familjes ashtu siç sillet një punëtor ndaj nxehjes së hekurit. O qeveri e pabesë dhe e shitur! Deri kur do rri këtu duke të duruar?!

Prandaj revoltohu. Po protestës, sepse protestë do të thotë perëndim. Po, do merremi me politikë që tregojmë vendin ty dhe takamit tënd, që fërkoni duart kur ne shtrëngojmë dhëmbët. Do merremi me politikë siç u morën etërit tanë. Politikë nuk do të thotë idiot. Jo. Politikë do të thotë qytet, qytetar!

Dhe në politikë hyjnë dy tipa. Burri dhe fëmija. Fëmija futet për të marrë. Burri futet për të dhënë.

Edi Rama ti je një foshnje”, tha Kalaja./ CNA.al





Lajmet e fundit nga