web counter
LEXO PA REKLAMA!

SHKARKO APP

App Store
Google Play

E fundit!

x

“Jam në udhqëkryq”/ Studentja, thirrje bashkëmoshatarëve: Zëri ynë, shumë më i fortë se e keqja

12 Nëntor 2022, 17:37, Aktualitet CNA
“Jam në udhqëkryq”/ Studentja, thirrje
Studentja Kjara Mamushi

Kjara Mamushi, studentja për Informatikë Ekonomike, ka bërë një thirrje për bashkëmoshatarët e saj gjatë fjalës në protestën para Kryeministrisë.

Mamushi tha se si çdo i ri apo e re edhe ajo është në udhëkryq dhe e shikon të ardhmen jashtë trojeve shqiptare.

Ajo kërkoi që bashkëmosharatët të bashkohen bashkë dhe të ngrenë zërin kundër Qeverisë.

“Arsyet pse ndodhem këtu mes jush janë të shumta. Mua më jepet sot rasti t’i them për vete dhe të ngjashmit e mi.

Këto arsye, besoj unë, dalin përtej çdo bindje politike apo përkatësie tjetër, sepse të gjithëve, në një formë a tjetër, na duhet të përballemi me pasojat e instalacionit eksperimental që Edi Rama dhe Rilindja e quajnë qeveri.

Sot po flas vetëm për udhëkryqin e madh ku gjendem unë dhe shumë bashkëmoshatarë. Të vazhdoj studimet dhe të kontribuoj për zhvillimin dhe integrimin e vendit tim, apo të konsideroj çdo mundësi për të ikur jashtë, në mënyrë që të siguroj kushtet e bashkëmoshatareve të mi në Europë.

Çdo ditë që kalon përgjigjja ime, dhe juaja të dashur miq, anon nga varianti i dytë. Çmimet e qirave bëhen të papërballueshme, tarifat e çdo shërbimi tjetër jetësor gjithnjë e më në rritje. Pagat, ju e dini, janë aq të ulëta sa pranohen vetëm nga bangladeshasit, që e përdorin Shqipërinë si trampolinë për në Europë.

Në këtë ditë e kanë sjellë Shqipërinë: një vend ku shqiptarët dhe popujt e botës së tretë planifikojnë ditën dhe rastin për të ikur!

Kryeministri justifikohet për gjithcka, dhe ka shpikur një kopil të cilit ia hedh fajet dhe e quan ‘luftë në Ukrainë’. Çdo masë antiqytetare ia lë krizës. Çdo refuzim, siç bëri me pagat e pedagogëve tanë, apo kompensimet për ne studentët, thotë se e bën i detyruar nga kriza. A thua se qeveritë zgjidhen për të hedhur valle jo menaxhuar krizat. 

Ku do të shkojmë pas studimeve? Mundësia për t'u punësuar si profesionist i fushës në të cilën ke studiuar hollohet përditë. Doemos, kështu ndodh në një shtet që administratën e vet e ka të mbushur me patronazhistë. 

Jam e bindur se zëri dhe forca e të gjithëve ne këtu në shesh, e kudo në Shqipëri, është shumë më e fortë se e keqja që shtrihet nga ndërtesat qeveritare në Bulevard e deri te vilat luksoze nëpër kodrat e periferisë.

Ky bashkim dhe kjo fuqi duhet të na prijë për të mos pranuar asnjë ditë të vetme qeveritë që vjedhin dhe të bullizojnë, ministrat që grabisin dhe të përqeshin.

Ashtu si para 32 vitesh, motoja e bashkëmoshatarëve të mi të asokohe, kumbon sërish: E duam Shqipërinë si gjithë Europa!”, theksoi ajo./ B.A. – CNA.al

Protesta live në CNA





Lajmet e fundit nga