E fundit!

15:38 Aktualitet

Goditi protestuesin në Zvërnec/ Ndryshon masa e sigurisë për një nga punonjësit e sigurisë së kantierit

Gjykata e Apelit ka ndryshuar masën e sigurisë për një ng...

Nga gomonja te protesta e opozitës/ "Daily Mail": Mijëra shqiptarë, në rrugë për largimin e Edi Ramës

13 Nëntor 2022, 08:43, Aktualitet CNA

Nga gomonja te protesta e opozitës/ "Daily Mail": Mijëra

Gomone në protestë

Media britanike "Daily Mail" ka pasqyruar protestën e një dite më parë të opozitës kundër qeverisë së Edi Ramës.

Në artikullin e tyre, shkruhet se mijëra shqiptarë kanë dalë në rrugët e kryeqytetit për të protestuar kundër korrupsionit të dyshuar të qeverisë si dhe për rritjen e çmimeve.

Gjithashtu është cituar edhe fjalimin i kreut të PD-së, Sali Berisha, për largimin e shqiptarëve, si dhe gjithashtu është pasqyruar fotoja e gomones të cilët protestuesit e vendosën para Kryeministrisë.

Artikulli nga "Daily Mail."

Mijëra njerëz dolën dje në rrugët e kryeqytetit shqiptar, Tiranës, për të protestuar kundër qeverisë së Edi Ramës.

Të kryesuar nga Sali Berisha, kreu i opozitës, ata u mblodhën jashtë zyrës së zotit Rama për të protestuar kundër korrupsionit të dyshuar të qeverisë dhe rritjes së çmimeve të karburantit dhe ushqimit.

Në një fjalim para turmës, zoti Berisha tha se zoti Rama ishte fajtori për largimin masiv të të rinjve nga Shqipëria – gjë që e ka lënë Britaninë përballë valëve të emigracionit të paligjshëm.

Ish-kryeministri dhe kreu i Partisë Demokratike pretendoi se “i sheh si njerëzit e gomoneve" pasi rreth 12,000 shqiptarë kaluan Kanalin këtë vit. “Shqiptarët sot janë shndërruar në popullin e gomoneve”, - deklaroi ai - “sepse dikush – dhe ky është Edi Rama – ua grabiti votën, i ktheu liritë e tyre në iluzion, në një votë fiktive, vetëm që të qëndronte në pushtet".

Në fillim të këtij muaji zoti Rama akuzoi qeverinë britanike për diskriminim ndaj shqiptarëve për të shkëputur vëmendjen nga 'dështimet e saj politike'.

Ndërsa marshonin nëpër Tiranë, protestuesit mbanin një gomone me flamuj britanikë dhe shqiptarë për të 'shprehur shqetësimin e tyre për eksodin masiv' të të rinjve.

Deri në 1,200 oficerë policie u vendosën për të kontrolluar protestuesit sipas mediave lokale. Disa nga demonstruesit thyen kordonët e policisë për të goditur me shkelma dhe hedhur bojë në derën e kryeministrisë./ CNA.al