web counter
LEXO PA REKLAMA!

SHKARKO APP

App Store
Google Play

E fundit!

x

“Ishte një protestë e stërmadhe”/ Ylli Rakipi: Pse duhet të shqetësohet qeveria

12 Nëntor 2022, 20:08, Aktualitet CNA
“Ishte një protestë e stërmadhe”/ Ylli Rakipi: Pse
Gazetari Ylli Rakipi

Gazetari Ylli Rakipi është shprehur se ka mbetur i habitur nga pjesëmarrja në protestën e sotme të organizuar nga opozita.

Ai është shprehur se kjo ishte një protestë e stërmadhe ku lexohej qartë se pjesëmarrësit nuk ishin vetëm militantët, por edhe nga njerëz që i kishte zbritur në shesh halli.

Sipas gazetarit kjo protestë ka tregues që duhet të shqetësojnë qeverinë.

"Një protestë ku gjithçka u interpretua sipas një rregulli të vjetër dhe të ri. Vinte pas një proteste të madhe të bërë nga opozita në 7 korrik, ndërsa kjo ishte një protestë e stërmadhe.

Nuk kishte vetëm njerëz të opozitës, militantë të flaktë, si ndër vite.

Aty njeriu i kujdesshëm mund të lexonte se kishte dhe njerëz shumë qytetarë dhe dukej se pjesën më të rëndësishme të këtyre njerëzve në këtë protestë e kishte sjellë halli, kishin ardhur dhe për opozitën, por një pjesë të rëndësishme e kishte sjellë halli.

Ishte protestë shumë masive, u habita për këtë pjesëmarrje mjaft të gjerë.

Aty dukej që kishte njerëz në hall, njerëz që nuk kanë ç’të bëjnë, dhe që kanë dilemë të madhe me veten.

Nuk është se bën keq, por ata njerëz që ishin mbledhur, duhet të mbledhë dhe ata dhe këtyre t'u flasë. T'u tregojë se çfarë po bën për ta.

Qenia 'non grata' e Berishës apo e Metës ose jo spiun, nuk e zhbën dot mbledhjen e njerëzve. Këta i ka thirrur halli i madh dhe ky moment duhet ta shqetësojë vërtetë qeverisjen.

Qeveritë për 22 vjet i ka rrëzuar kundërshtari. Nuk është vetëm problemi i bukës, por jetesa, një brez që kërkon gjërat elementare, kjo është një ikje masive.

Rama është i zgjedhur këtu dhe duhet të merret seriozisht me këtë vend, nëse do të vazhdojë të qeverisë Shqipërinë”, tha Rakipi në një dalje televizive./ CNA.al





Lajmet e fundit nga