E fundit!

12:07 Politikë

Rama nuk ishte në interpelancë/ Berisha: Nuk shkel më në Parlament, s'ia mban

Kryetari i Partisë Demokratike, Sali Berisha ka folur jash...

Shoqërimi i protestuesit/ Policia: Mbante thikë në dorë, person me probleme mendore

12 Nëntor 2022, 20:31, Aktualitet CNA

Shoqërimi i protestuesit/ Policia: Mbante thikë në dorë,

Foto nga shoqërimi i protestuesit

Policia e Tiranës ka reaguar në lidhje me shoqërimin e një protestuesi para Kryeministrisë, menjëherë pas përplasjes për çarjen e kordonit.

Policia njofton se protestuesi u shoqërua, pasi sipas tyre është konstatuar me thikë në dorë, duke bërë lëvizje të pakontrolluara.

Blutë pretendojnë se 25-vjeçari me iniciale J. Ç., nga fshati Gurrëz e Vogël i Lushnjës, është person me probleme të shëndetit mendor.

Sqarim i Drejtorisë Vendore të Policisë Tiranë:

Në lidhje me shoqërimin e një shtetasi, në përfundim të tubimit të ditës së sotme, sqarojmë opinionin publik se:

Shërbimet e Drejtorisë Vendore të Policisë Tiranë, në zbatim të detyrave të planit të masave, të hartuar me qëllim garantimin e rendit dhe sigurisë publike, para, gjatë dhe pas përfundimit të tubimit, në përfundim të tubimit kanë konstatuar një shtetas që mbante në dorë një mjet prerës dhe kryente lëvizje të pakontrolluara.

Pas përplasjeve në shkallët e Kryeministrisë/ Policia shoqëron një protestues
12 Nëntor, 18:59

Shërbimet e Policisë kanë ndërhyrë me profesionalizëm për të parandaluar çdo veprim të këtij personi, i cili mund të cënonte jetën e pjesëmarrësve në tubim dhe të punonjësve të Policisë që ishin në shërbim për të garantuar mbarëvajtjen e tubimit përsa i përket rendit dhe sigurisë.

Shërbimet e Policisë e kanë neutralizuar dhe shoqëruar shtetasin J. Ç., 25 vjeç, nga fshati Gurrëz e Vogël, Lushnjë, i cili nga verifikimet paraprake rezulton person me probleme të shëndetit mendor.

Sqarojmë se përveç këtij shtetasi nuk ka asnjë person tjetër të shoqëruar nga shërbimet e Policisë dhe se tubuesit janë shpërndarë pa krijuar probleme përsa i përket rendit dhe sigurisë publike.

Policia e Shtetit falënderon qytetarët për qytetarinë e treguar gjatë tubimit dhe i garanton ata se Policia e Shtetit është e angazhuar maksimalisht për të garantuar rendin, sigurinë, lirinë dhe të drejtat e qytetarëve./ B.A. - CNA.al