web counter
LEXO PA REKLAMA!

SHKARKO APP

App Store
Google Play

E fundit!

x

Basha s’ka kandidatë, ka ngelur me 5 inatçinj

26 Nëntor 2022, 13:26, Editorial CNA
Basha s’ka kandidatë, ka ngelur me 5 inatçinj
Fotomontazh, foto ilustruese

Lulzim Basha dhe të tijtë duket se kanë ngelur një grusht, një dorë inatçinjsh që nuk përfaqësojnë më askënd, për më tepër nuk kanë kurajë as të hyjnë në garë. Së pari për të hyrë në Primaret e PD-së, së Berishës dhe jo asaj të vulës. Së dyti, ai dhe gardhi me Gazin apo Alibeajn, nuk kanë emra për të nxjerrë në bashkitë e Shqipërisë.

Basha s’ka kandidatë, ka ngelur me 5 inatçinj
Fotomontazh, Lulzim Basha, Gazment Bardhi dhe Enkelejd Alibeaj

Ka nxjerrë 4 apo 5 kandidatë, më shumë inatçinj dhe servilë të tij, që nga Argon Kapllanaj që fiton milionat e eurove në tenderat e Rilindjes deri te Naim Gazidede apo ndonjë tjetër.

Duan të jenë kandidatë vetë, pa askënd tjetër në krah, pa garuar në Primare, të jenë si emra dhe PD e Berishës të tërhiqet, t'i lërë këta, se këta ka Luli. Pra i takonin Lulit që nja 5-10 kandidatë t'i vendoste ai vetë.Prandaj dhe kanë dështuar negociatat.

CNA.al raportoi pak ditë më parë ose e thënë qartë dha një opinion në lidhje me njerëzit e Lulzim Bashës, pra ose ata duhet të nxjerrin kandidatë në të gjithë Shqipërinë, të tregojnë forcën, qoftë edhe të tretët siç ndodhi me 6 mars, pra që janë poli i tretë politik në vend, për t'u faktorizuar ose në rast se nuk kanë kandidatë dhe bëjnë cicmice të shkojnë dhe t'i dorëzojnë vulën doktor Berishës. 

Nuk kanë rrugë të tretë. Ose shkojnë në zgjedhje dhe përplasen për të dalë një forcë e re, apo për të mbajtur vulën dhe për të thënë partia e vulës është e treta dhe ka kandidatë në 61 bashki dhe ka këtë fuqi elektorale në rang vendi, ose në rast se ka katandisur me 5 inatçinj apo 7 kanditatë që Luli donte në tërë Shqipërinë dhe Berisha nuk ia dha, të marrë vulën, të shkojë t’ia çojë Doktorit, që PD-ja e Berishës dhe e shumicës së demokratëve të ecë përpara dhe Luli të pranojë që nuk bën dot asnjë forcë të tretë politike, as nuk e mban dot vulën dhe as nuk ecën dot përpara.

Basha s’ka kandidatë, ka ngelur me 5 inatçinj
Lulzim Basha

Hallet e Lulit nuk i zgjidhin dot demorkatët. Politika është aksion, politika është garë dhe veprim.

Ose do shkosh dhe do garosh përballë Berishës me Metën dhe Ramën, ose do lësh vulën dhe do presësh ç’të të japë Saliu me Metën në rast se të konsiderojnë se mund të të hedhin dhe në kosh dhe të mos të të futin fare në llogari.

Basha s’ka kandidatë, ka ngelur me 5 inatçinj

Prandaj dhe Basha nuk ka rrugë të tretë. Ai, ose duhet të nxjerrë kandidatë dhe për këtë duhet mirëkuptuar edhe nga demokratët të cilët thonë shkatërrimtari do të lërë Ramën në pushtet e të tjera si këto, ky është fakt, por Basha me atë veprim tregon që është i treti në politikën shqiptare dhe mund të jetë ai “King Maker-i”, ndërsa po nuk hyri fare në garë dhe nuk luajti, Basha nuk konsiderohet më dhe ai dhe të tijtë thjeshtë dhe vetëm kanë marrë rrugën për të dalë njëherë e mirë nga politika./ CNA.al

 





Lajmet e fundit nga