web counter
LEXO PA REKLAMA!

SHKARKO APP

App Store
Google Play

Zoti Meta(j), a e keni dhënë miratimin si Kryetar Kuvendi për përgjimin e deputetit Taulant Balla?

25 Nëntor 2022, 14:57, Editorial CNA

Zoti Meta(j), a e keni dhënë miratimin si Kryetar Kuvendi për

Në media është raportuar dhe drejtuar gishti nga kreu i grupit parlamentar socialist Taulant Balla se ka qenë në përgjime.

Sipas mediave bëhet fjalë për përgjime që implikonin Taulant Ballën në biseda si ndërmjetës mes njerëzve të botës së errët.

Balla raportohet se është përgjuar në vitin 2016, përreth 47 orë, mirëpo CD me përgjime thuhet se është asgjësuar, pas një vendimi të Gjykatës së Elbasanit më 17 gusht 2016.

Kjo çështje është bërë temë dite, u përfol në Kuvend, drejtësia nuk flet për shkak të hetimeve, por është një person që mund të flasë.

Ai është Ilir Meta(j), ish-kryetari i Kuvendit.

Në kohën kur është kryer përgjimi, Meta (j) ka qenë në krye të Kuvendit, dhe sipas rolit ligjor që kishte i bie të ketë firmosur urdhrin për përgjimin e Ballës.

Ligji kërkon që përgjimi i deputetit të bëhet me miratim nga Kuvendi, nga Kryetari i Kuvendit, i cili udhëheq Këshillin për Rregulloren, Mandatet dhe Imunitetin.

Sipas nenit 70 të Kushtetutës dhe kërkesën e prokurorisë për dhënien e autorizimit nga Kuvendi për arrestimin, ose heqjen e lirisë në çfarëdo lloj forme, ose ushtrimin e kontrollit personal apo të banesës së një deputeti në përputhje me nenin 73 të Kushtetutës, kryetari i Kuvendit është i detyruar të veprojë.

Pra leja për përgjim jepet për 48 orë me lejen e kryetarit të Kuvendit, që në vitin 2016, ka qenë Ilir Meta(j).

Është ky i fundit, që mund të japë përgjigje për këtë çështje, në kushtet kur drejtësia argumenton se nuk flet për shkak hetimesh dhe personi i apostrofuar në këtë rast Taulant Balla, hesht./CNA.al





Lajmet e fundit nga