Faktet/ Skandali SPAK-"Top Channel"

21 Nëntor 2022, 10:03, Editorial CNA

Mediat dhe pagesat e tyre nga kompanitë e inceneratorëve janë një histori e errët e gjithë aferës ende të pazbardhur sa dhe si duhet nga SPAK-u, për të mos thënë bashkëpunimit në SPAK apo paaftësinë për të zbardhur gjithë skandalet e lidhura me median të skandalit të inceneratorëve.

CNA.al ka treguar me dokumente se si kompanitë e Klodian Zotos kanë paguar, Vjollca Hoxhën e "Top Channel"-it, Irfan Hysenbelliun e "News24", Carlo Bolinon apo dhe portale kamikazësh që dhe sot përdoren si çiftë të çara në këtë aferë.

Skandali me mediat/ Si po i përdor Irfan Hysenbelliu dhe Vjollca Hoxha televizionet për interesa personale
30 Maj, 22:25

Më skandalozja e gjithë historisë së marrëdhënies së medias, është ortakëria e "Top Channel", ajo e aksionerëve të këtij televizioni me Klodian Zoton dhe Mirel Mërtirin, ku janë paguar 2.2 milionë dollarë për “Valtelina” sh.p.k., të cilat në korrik janë rikthyer sërish. Pra, paratë u morën për të blerë aksionet dhe aksionet u kthyen mbrapa falas me justifikimin e moszbatimit të kontratës.

Inceneratorët dhe Vjollca Hoxha, një histori që nuk duhet harruar
6 Qershor, 17:31

Faktet

SPAK-u shpalli në kërkim ndërkombëtar Klodian Zoton më 26 janar 2022 dhe vuri në sekuestro kompanitë e tij, por nuk vuri në sekuestro “Valtelina Caffe"-në, kompaninë ku Klodi dhe Mireli nëpërmjet “EM Capital Group” gëzonin 51% të aksioneve.

SPAK-u vuri në sekuestro kompanitë e Klodian Zotos, por jo atë që ai e kishte blerë pak kohë më parë me miliona dollarë dhe që shkonte direkt tek ortakëria me "Top Channel", pasi pronarët e “Valtelina Caffe” janë të njëjtë më pronarët e "Top Channel", Vjollca dhe trashëgimtarët e të ndjerit Dritan Hoxha.

Vjollca-Blushi, “kumbar” të lidhjes mes Bllakos “15 mln euro” të Porto Romanos e Zotos së inceneratorëve
17 Shkurt, 13:15

SPAK-u nuk ka hetuar mediat për milionat që kanë marrë, ku sipas të dhënave flitet për të paktën 10 milionë dollarë që janë reklama, apo marrëveshje tregtare me mediat.

Inceneratorët paguajnë sërish mediat/ Dhjetëra mijëra euro në gusht
17 Shtator, 17:58

SPAK-u nuk ka bërë publike, apo nuk ka çelur hetime se përse janë paguar dhe ku kanë shkuar këto para.

SPAK-u nuk sekuestroi aksionet e Klodian Zotos dhe Mirel Mërtirit që ishin në ortakëri me Vjollca Hoxhën, të dy këta persona tashmë të shpallur në kërkim dhe akuzohen për korrupsion, evazion fiskal dhe SPAK i kërkon t’i dënojë, e që t’ju gjejë paratë që kanë marrë nga taksat e shqiptarëve, këto para ishin edhe në ortakëri me Vjollca Hoxhën.

A e ka marrë me qira Mirel Mërtiri kanalin Top News?
17 Nëntor, 13:26

SPAK-u nuk i sekuestroi dhe aksionet u tjetërsuan disa muaj më parë dhe askush nuk flet, a thua se s’ka ndodhur asgjë. Pronarët e inceneratorëve paguajnë 2.2 milionë dollarë për aksione dhe ortakëri me pronarët e "Top Channel" dhe pastaj ua rikthejnë ato. Paratë ngelen te Vjollca Hoxha & CO.

Ortakët e Vjollca Hoxhës, nën akuzë dhe të kërkuar/ Po paratë që mori "Top Channel"?
15 Nëntor, 11:45

SPAK-u nuk mund t’i mbyllë sytë e të bëjë sikur nuk di, sikur nuk sheh dhe të publikojë si skandal 2 mijë euro bileta stadium apo hoteli.

"Katandisi kokoshi një thelë", thotë populli, kështu katandisi dhe SPAK, kur nuk sheh 2.2 milionë dollarë aksione, por arreston persona për bileta avioni e stadiume.