LEXO PA REKLAMA!

SHKARKO APP

Vjollca Hoxha dhe Ben Blushi ortakët mediatikë të inceneratorëve

16 Nëntor 2020, 10:55, Aktualitet CNA
Vjollca Hoxha dhe Ben Blushi ortakët mediatikë të

Nesër Top Channel do vazhdojë të transmetojë të 100-in apo më shumë emision në mbështetje të inceneratorëve, pra një PPP-je private të qeverisë shqiptare.

Top Channel, ndoshta është rast unikal në botë, një media kombëtare private që bën një propagandë kaq të shfrenuar për një biznes privat , për një konçesion të dhënë nga qeveria me taksat e qytetarëve, ku pronarët e këtyre konçesioneve janë ortakë në biznese me Vjollca Hoxhën një nga pronarët e Top Channel dhe drejtorin e këtij televizioni, Ben Blushi.

Inceneratori i Elbasanit, në letra figuron në emër të Stela Gugalljas që është bashkëjetuesja dhe nëna e fëmijëve të Mirel Mërtirit, ky i fundit është ortak me Eva Blushin, bashkëshorten e Ben Blushit në kompaninë ?EM Kapital Group? në Bullgari.
Është po kjo kompani që ka ardhur në Shqipëri dhe ka blerë për 2.2 milionë dollarë, 51% të Lori Caffe, Valtelino Kafe, pra emri i parë i regjistruar në QKB.

Pra, Ben Blushi nëpërmjet bashkëshortes dhe Mirel Mërtirit janë ortakë në Bullgari, ndërsa kanë ardhur në Tiranë dhe janë bërë ortakë më Vjollca Hoxhën, tek Lori Caffe.
Kështu funksionon edhe me inceneratorin e Fierit dhe atë të Elbasanit ku në dokumentat zyrtarë figuron aksioner kryesor, Klodian Zoto, ky i fundit në shkresat zyrtare figuron me ushtrim aktiviteti edhe në Elbasan.

Të tre inceneratorët kanë lidhje me njëri-tjetrin, diku te Klodian Zoto, diku te një shtetas italian, diku te Mirel Mërtiri nëpërmjet kompanive të tjera që lidhin Stela Gugalljan me bashkëjetuesin e saj.

Zinxhirët e kompanive në Tiranë lidhen nëpërmjet Vjollca Hoxhës, Ben Blushit, Klodian Zotos dhe Mirel Mërtirit tek Valtelino Kafe, pra emri i parë i Lori Caffe siç e përmendëm më lart.

Vjollca Hoxha është një nga aksioneret e minorancës në Top Channel, aktualisht vazhdon të ketë një përplasje të madhe me sistemin e Drejtësisë, pasi rreth 60% të aksioneve në pronësi të Albert Sino dhe Aurel Baçi për më shumë se 15 vite . Më pas me spektaklet në sistemin ?e ndershëm? të Drejtësisë, aksionet e tyre i janë shpërndarë Vjollca Hoxhës dhe fëmjëve të saj, ndërkohë që çështja ndodhet në Gjykatën e Lartë. Vjollca Hoxha është akisonere dhe ortake me 49% te Valtelino Caffe, 51% i ka Klodian Zoto, Mirel Mertiri dhe Eva Blushi, bashkëshortja e Ben Blushit.

Pra, Top Channel vazhdon e bën kronika për inceneratorët, për bukuritë e mëdha në Elbasan, Tiranë apo në Fier megjithëse në Tiranë dhe në Fier nuk ka fare incenerator, ai i Elbasanit është akuzuar nga opozita se nuk është respektuar kontrata, pasi blerja ka kushtuar vetë 15 milionë ndërkohë që inceneratori është paguar 22 milionë euro. Kronika dhe emisione për ortakët.

Në Fier gjithashtu flitet se inceneratori do të jetë gati, por në fakt edhe aty ka mjaft probleme, inceneratori ende nuk ekziston. Në Tiranë nuk ka fare incinerator, por vetëm disa gropa të hapura duke shfrytëzuar Sharrën nga një landfill që shteti e kishte në pronësi e kështu qarkullojnë me miliona miliona euro, siç qarkullojnë edhe ortakëritë midis Klodian Zotos, Mirel Mërtirit të inceneratorëve dhe Vjollca Hoxhës e Ben Blushit të Top Channel.

Gjithçka çfarë do shohim nesër në Top Channel do të jetë një skemë e përsëritur ku akuzat do i drejtohen Lulzim Bashës, kunatit dhe mediave që kanë sulmuar këtë konçesion, PPP, për të cilin çdo qytetar ka të drejtë të dyshojë pasi paguhet nga taksat e drejtpërdrejta të tyre.

Opozita është në të drejtën e saj për të thënë jo vetëm fjalën e saj të parë por edhe të fundit. Nga ana tjetër, Top Channel del në mbrojtje duke tentuar ta bëjë çështje politike, duke tentuar të përfshijë Lulzim Bashën, kunatin e të tjera si këto. Por, sa më shumë tenton Top Channel të flasë, sa më shumë kronika bën ky televizion në mbrojtje të inceneratorëve aq më thellë zhyten e aq më tepër tregon se është në shërbim të ortakëve dhe propagandës së qeverisë së Rilindjes që ka dhënë këtë koncesion.

Kjo për një fakt shumë të thjeshtë, investigimi do të përdoret politikisht, por në fakt e vërteta është se kanë qenë disa media që kanë shkruar që në fillimin e këtij koncesioni, gati pesë vite më parë. Nuk ka rreshtur së shkruari Bold News, BIRN nëpërmejt Reporter.al, CNA.al ka bërë disa investigime dhe publikime të plota në lidhje me guackën e inceneratorit në Tiranë që ndodhet në Hollandë. Lidhja e Klodian Zotos me Mirel Mërtirin dhe Stela Gugalljan dhe së fundi lidhjen e Ben Blushit dhe Vjollca Hoxhës në ortakërinë me pronarët e inceneratorëve. Kjo ka ndodhur tetë apo nëntë muaj më parë, jo dy muaj kur doli opozita. Ka ndodhur dy apo tre vjet më parë kur opozita thjesht dhe vetëm argumentonte si koncesin korruptiv, por nuk jepte fakte dhe dokumenta të plota siç ka bërë tani.

Ajo që do të tregojë nesër Top Channel si serial është show i radhës, pra investigim nga ortakët e pronarëve të inceneratorëve në televizionin ku pronarët e inceneratorëve do të tregojnë nëpërmjet gazetarëve të përdorur se problemi nuk është ashtu sic pretendon opozita dhe media.

E vërteta nuk është ashtu siç shkruhet dhe raportohet, por është ndryshe dhe ky sulm është bërë për arsye të tjera të qëllimshme. Në fakt nuk ka asnjë sulm, apo arsye të qëllimshme, ajo që ka bërë media ka disa vite që vazhdon dhe që gjithçka të sqarohet nuk duhet të flasë Top Channel si ortak i inceneratorëve por duhet të jetë SPAK që duhet të zbardhë dosjet, procedurat, kostot e paguara nga xhepat e shqiptarëve dhe hetimi duhet të fillojë tek Stela Gugallja, të shkojë tek Mirel Mërtiri, Klodian Zoto, italianët që janë bashkëpunëtorët e tyre, kompanitë e lidhura zinxhir e të përfundojnë ndoshta edhe te Eva Blushi apo Vjollca Hoxha.

Kjo do të ishte e vërteta që duan të shohin shqiptarët, pra ajo e drejtësisë, ajo e SPAK dhe jo një e vërtetë e ortakëve të Klodian Zotos dhe Mirel Mërtirit./CNA.al

A do e tregojë Ben Blushi ortakërinë e tij me inceneratorët

Skandali/ Inceneratorët e koncesionit 128 milionë euro, reklama mediatike me taksat e shqiptarëve

Skandali-Nga pronarët e mediave tek kompanitë off shore/ Skema e plotë e koncesionit të inceneratorëve, emrat e përfshirë

Skema korruptive qeveri-inceneratorë-Top Channel/ Blushi dhe Vjollca ?rrjepin? nga taksat e shqiptarëve

Skandali/ Zbulohet skema e plotë, si pronarët e inceneratorëve paguan aksionerët e Top Channel

Video-Top Channel propagandë për incineratorët/ Ndiqni faktet që nxjerrin zbuluar gënjeshtrat

Zbulohen dokumentet që ?fundosin? Ben Blushin/ Ortak me pronarët e inceneratorëve

Investigimi i CNA.al zbulon skandalin/ Skema e plotë e lidhjeve qeveri-media-oligarkë

Dosja e inceneratorëve/ A do të hetojë SPAK edhe bashkëshorten e Ben Blushit?

Lajmet e fundit nga