web counter
LEXO PA REKLAMA!

SHKARKO APP

App Store
Google Play

E fundit!

x

Kur do t'i shpallë Luli kandidatët e vulës

24 Nëntor 2022, 15:00, Editorial CNA
Kur do t'i shpallë Luli kandidatët e vulës
Fotomontazh

Negociatat midis grupit të Berishës dhe atij të Lulzim Bashës nuk ecën. Gaz Bardhi dhe Edi Paloka dështuan të gjenin zgjidhje.

Oferta e Berishës ishte e qartë, kandidati i tyre në Primare, të bashkohemi dhe të dalim me një kandidat të vetëm. Ndërkohë që pala tjetër kërkonte që gjysma e vlerësimit të bëhej nga sondazhet dhe gjysma të bëhej nga Primaret. Pra, 50 me 50.

Palët nuk gjetën dakordësi. Tashmë janë të ndarë. Sali Berisha po organizon Primaret. Kandidatët kanë dalë. Degët e PD-së të Berishës po funksionojnë. Po përgatiten garat. Në Tiranë ka filluar debati. Kandidatët po shkojnë nëpër njësi vendore e kështu me radhë.

Kur do t'i shpallë Luli kandidatët e vulës
Foto ilustruese

Po Lulzim Basha dhe Gaz Bardhi ku janë?

Partia e vulës sepse Lulzim Basha tashmë nuk ka shumë rrugë që mund të zgjedhë ku mund të shkojë.

Së pari në rast se ka zgjedhur të mbajë vulën, minimalisht duhet të nxjerrë kandidatët e tij pasi si mund të ndodhë që një parti me vulë në dy palë zgjedhje lokale nuk kandidon fare.

Në rast se nuk nxjerr kandidatët e tij duhet ta marrë vulën dhe të shkojë t’ia japë me duart e tij Berishës dhe të tërhiqet e gjithë zallamahia që bën.

Kur do t'i shpallë Luli kandidatët e vulës
Foto ilustruese

Askush nuk beson dhe mendon se Luli mund të jetë kaq njerëzor dhe kaq politikan që të kuptojë peshën e tij sa vlen dhe të shkojë dhe të dorëzojë vulën atje ku është shumica në parti. Këtë s’ka për ta bërë kurrë.

Kur do t'i shpallë Luli kandidatët e vulës
Selia e PD

Por nuk mundet të sillet vërdallë duke mbajtur vulën dhe nga njëra anë thotë se ka vulën dhe partinë zyrtare por nuk nxjerr kandidatë dhe nga ana tjetër nuk e çon vulën te PD-ja, për ta pasur edhe zyrtarisht te Berisha, për të ecur më tej me regjistrimet e kandidatëve në procesin normal zgjedhor.

Ndaj dhe Lulzim Basha tashmë ka këto dy rrugë. Rrugë të tretë nuk ka. Ose do të shkojë dhe do dalë me kandidatë në zgjedhjet lokale me vulën e tij me partinë zyrtare që ai ka me Alibeaj &Co, ose do të shkojë dhe do të dorëzojë vulën te Berisha.

Mosdalja në garë thjesht dhe vetëm tregon se Luli është një aventurier politik që nuk ka zgjidhje dhe totalisht ngelet i pashpresë. E në rast se do të kishte kandidatë do të ishte edhe më serioz pasi do të tregonte forcë, e në rast se nuk nxjerr kandidat dhe nuk dorëzon vulën tregon vetëm se është një palaço politik./ CNA.al

 





Lajmet e fundit nga