E fundit!

11:21 Aktualitet

Trupat shqiptare parakalojnë në Paris, flamuri kuqezi në paradën e 14 korrikut

Shqipëria është bërë pjesë e paradës tradicionale ushtarak...

Lulzim Basha nuk harrohet

9 Maj 2022, 10:08, Politikë CNA

Ka një lojë brenda Partisë Demokratike, e udhëhequr nga Lulzim Basha, e cila në skenë kryesisht del si një shfaqje e bërë nga Enkelejd Alibeaj, Gazment Bardhi apo disa palaço të oborrit të tij, të cilët janë njerëz pa asnjë kontribut politik, por të vendosur në lista dhe që janë bërë deputetë vetëm e vetëm se i ?lëpiheshin? Lulit.

Nga këta ka të shumtë. Ka njerëz me mbiemra të ndryshuar. Ka njerëz të akuzuar për korrupsion, biznesmenë që kanë blerë mandatet, e kështu me radhë.

Gjithsesi, përtej akuzave se ç?është ai grup parlamentar e kush janë ata që luajnë teatrin e Lulzim Bashës, e vërteta është se ky i fundit vërtetë nuk mund të harrohet.

Nuk mund të harrohet për bëmat dhe gjëmat e tij. Nuk mund të harrohet për dosjen një milionë dollarë në SHBA, për një foto me ish-presidentin Donald Trump. Nuk mund të harrohet për shitjen e mandateve të deputetëve. Nuk mund të harrohet për mashtrimet e përditshme që u bënte demokratëve. Nuk mund të harrohet për përplasjet që u bëri strukturave.

Nuk mund të harrohet për dështimin e plotë të çdo kauze, si ?zjarrfikës?. Nuk mund të harrohet për Teatrin, që tha se duhet të kalonin mbi trupin e tij apo për Fatmir Xhafajn se do të bëhej ministër i Brendshëm, vetëm po të kalonte mbi trupin e tij. Apo për prishjen e ndërtesave në Unazën e Madhe të Tiranës, e kështu me radhë.

Nuk mund të harrohet se si u dha demokratëve për Sekretar të Përgjithshëm, një fytyrë si Gazment Bardhi. Ish-ministrin e tij dhe të Edi Ramës.

Nuk mund të harrohet se si i jep për kryetar Enkelejd Alibeajn. Një tjetër personazh që ?suksesin? më të madh e ka si ish-ministër i Drejtësisë, ku u përfol dhe akuzua për shumë skandale.

Nuk ka se si të harrohet Lulzim Basha për mandatet e shitura dhe akuzat e hedhura nga shumë deputetë. Nuk ka se si të harrohet Lulzim Basha për milionat që kanë fituar kompanitë që i kanë dhuruar atij Mercedezin. Kompani, të lidhura me inceneratorët.

Nuk mund të harrohet Lulzim Basha për pasurimin e familjarëve të tij. Për kunatin si një personazh mediatik dhe politik. Nuk mund të harrohet Lulzim Basha për gënjeshtrën që u bëri shqiptarëve se nuk jetonte në vila oligarkësh, por në një pallat në Tiranë. Kur në fakt e vërteta ishte krejt ndryshe.

Nuk mund të harrohet Lulzim Basha për shkatërrimin e Partisë Demokratike dhe lënien e saj 12 vite në opozitë. Nuk mund të harrohet Lulzim Basha për ortakëritë me Edi Ramën dhe tradhëtitë që u bëri shqiptarëve.

Lulzim Basha nuk mund të harrohet për kthimin e selisë së PD-së, në një bunker. Nuk mund të harrohet për dhunën dhe gazin lotjsellës ndaj demokratëve.

Nuk mund të harrohet për blindimin e selisë së PD-së, shkopinjtë dhe dhunën ndaj demokratëve.

Nuk mund të harrohet Lulzim Basha se si për 8 vite në krye të PD-së e ktheu në postin e kryetarit në shtratin ku ?shkrihej? me Edi Ramën.

Nuk mund të harrohet Lulzim Basha për bëmat dhe gjëmat e tij, e sot fshihet apo struket diku, duke bërë takime të vogla me 3, 5 apo 10 vetë. Duke tentuar që të qëndrojë ende në lojë, me shpresën se PD-ja do të jetë më mirë me të, se Berisha duhet të ikë, duhet ta marrë me vendim gjykate, se duhet t?ia japin amerikanët se e kanë shpallur Doktorin non-grata, e të tjera si këto.

Edhe sikur Berisha të ikë, edhe sikur amerikanët të kenë vendosur që PD-në t?ia japin dikujt, Lulzim Basha nuk duhet të kthehet kurrë, sepse ai nuk mund të harrohet për bëmat dhe gjëmat e tij. Rikthimi i Lulzim Bashës në krye të PD-së do të ishte katastrofa më e madhe. Do ta kthente këtë parti në një forcë politike, me një përqindje sa gishtat e njërës dorë.

Prandaj nuk mund të harrohet Lulzim Basha. Problemi qëndron përtej Berishës. Qëndron te demokratët, të cilët nuk mund ta harrojnë Lulzim Bashën. Prandaj Lulzim Basha nuk mund të rikthehet më në PD. Sepse nuk mund të harrohen bëmat dhe gjëmat e tij. Pikërisht këto po bën edhe sot me Alibeajn, me Bardhin apo Joridën e Gjekmarkajn, apo palaço të tjerë të skenës politike të tij./CNA.al

31 arsye pse sot jam me Lulzim Bashën?!

50 hijet e Lulzim Bashës