LEXO PA REKLAMA!

SHKARKO APP

Kryeministri ynë nuk di gjë

9 Maj 2022, 09:28, Politikë CNA

Më në fund shqiptarët të gjithë e kanë kuptuar, tashmë edhe po e besojnë, se kanë zgjedhur një Kryeministër që nuk di asgjë.

Ne kemi një Kryeministër që nuk e di se çfarë ndodh në vilajetin tonë dhe Shqipërinë tonë, vendin e një mijë e një bëmave, gjëmave dhe çudirave.

cna lajme aktualitetKryeministri ynë nuk di asgjë, kur krimi pushton vendin. Ai nuk ka informacion. Nuk dëgjon, nuk shikon. Nuk i raportojnë se si kërcet kallashnikovi apo makina shtyp fëmijë 3-muajsh në rrugë. Nuk ka asnjë informacion në lidhje me krimet ku kërcet automatiku, sa në Jug e në Veri. Ku bandat qarkullojnë me armë në mes të qyteteve dhe policia nuk di çfarë ndodh.

Kryeministri ynë nuk e di se në shkolla shpërndahet drogë. Oazet e drogës janë kudo. Kokaina pihet në kryeqytet si një gotë wiski në një bar. Megjithëse wiski është i shtrenjtë. Ndoshta si gota e rakisë, në kafetë e lagjeve.

Kryeministri ynë nuk e di se policia është e inkriminuar. Në krye të saj ka persona të hetuar për trafik droge, apo për magazinimin e drogës. Apo persona të lidhur me trafikantë dhe me kriminelë. Apo që emërohen në detyra dhe poste individë që ministrat i çojnë si qoka deputetësh edhe pse janë njerëz të inkriminuar.

Kryeministri ynë nuk e di se Shqipëria u mbulua me drogë. Nuk e pa, por na e shiti si sukses. Ishim vendi me luftën më të madhe kundër drogës në vitin kur droga kishte mbuluar vendin dhe ishte kthyer hashashi si jonxhë për bagëtinë.

Kryeministri ynë nuk di asgjë, kur pasuritë kombëtare shkatërrohen. Kur rrënohen kodra me pyje, për të ?mbjellë? vila dhe beton. Kur rrënohen në bregdet sipërfaqe të tëra të pasurisë publike, të cilat rrëmbehen nga klientët e pushtetit dhe të partisë.cna denoncime

Kryeministri ynë nuk di asgjë. Ai nuk është në dijeni se si mbi 600 milionë euro do të përdoren gjoja për incenerimin e mbetjeve në Shqipëri, por në fakt asnjë incenerator nuk punon. Në fakt në Tiranë nuk ka incenerator, edhe pse ka një kontratë 430 milionë euro. Por, ka disa ngrehina llamarinash në Fier apo në Elbasan që nuk i merr kush në dorëzim.

Kryeministri ynë nuk di asgjë, kur borxhi publik shkon në shifrat më të frikshme të 30 viteve demokraci. Nuk di asgjë kur miliona euro e miliarda lekë nga të ardhurat e shqiptarëve shkojnë për koncesione, shkojnë për klientë të Qeverisë. Nuk di Kryeministri, nuk shikon se si në Tiranë ndërtohen kulla edhe me kate me leje, apo pa leje fare. Nuk di gjë Kryeministri ynë.

Kryeministri ynë di vetëm që ka bërë një Reformë në Drejtësi dhe “qurravitet” pse nuk arrestohet ndonjë nga Opozita, por hajdutët e tij shkojnë burgjeve.

Kërkon t’u japë kurajë atyre që ka vartës. Ata që e shesin sot, ata që e flasin sot se i detyron Rama apo dikush tjetër rreth kabinetit të tij. Nuk di asgjë. Ata sot po flasin, ndoshta sot flasin nën zë, flasin në tavolina.

Por, nesër kur Rama të mos jetë më në karrigen e kryeministrit, do të flasin përpara institucioneve dhe do të thonë se Kryeministri ynë dinte vërtetë shumë. Por, ai vetë do të thotë se nuk dinte asgjë.

Ne kemi një Kryeministër, që nuk di asgjë se çfarë ndodh në vendin tonë./CNA.al

Saimiri kanabizimin, Lefteri inceneratorët, po Rama?

Lajmet e fundit nga