LEXO PA REKLAMA!

SHKARKO APP

Sulmi ndaj SPAK-ut/ Roli i Veliajt në inceneratorin e Tiranës dhe mbrojtja e Ramës

7 Maj 2022, 19:49, Politikë CNA

Sulmi i kryeministrit Edi Rama ndaj Strukturës së Posaçme Antikorrupsion ka për qëllim mbrojtjen e kryebashkiakut të Tiranës Erion Veliaj. Kështu është shprehur kryetarja e LSI-së, Monika Kryemadhi, e cila në një postim në rrjetin social Facebook, shkruan se Veliaj është personi përgjegjës në aferën e inceneratorit të Tiranës.

Sipas Kryemadhit, presioni i Ramës ndaj drejtësisë është sulm i qartë kundër integritetit të saj

?Ja pse kryeministri Edi Rama po ushtron presion ndaj prokurorisë speciale anti korrupsion (SPAK), e ngritur nga Reforma në Drejtësi e vitit 2016. Atij i duhet të mbrojë kryetarin e Bashkisë Tiranë Erion Veliaj nga prokuroria, për rolin e tij në aprovimin në kundërshtim me Ligjin e Vetëqeverisjes Vendore, të koncesionit 30 vjeçar të inceneratorit të Tiranës. Firma e Veliaj është provë e qartë korrupsioni, ndërsa presioni i Ramës ndaj drejtësisë është sulm i qartë kundër integritetit të saj. Rruga e Shqipërisë drejt BE kërkon drejtësi të pavarur dhe fundin e pandëshkueshmërisë të korrupsionit në nivelet e larta?, shkruan Kryemadhi./CNA.al

Lajmet e fundit nga