web counter
LEXO PA REKLAMA!

SHKARKO APP

App Store
Google Play

Butrinti/ Denoncon Zhupa: Margariti merr 10 mijë dollarë në vit si anëtare e bordit të fondacionit

7 Maj 2022, 15:12, Politikë CNA

Deputetja e PD, Ina Zhupa ka bërë një denoncim të fortë për ministren e Kulturës Elva Margariti, lidhur me koncesionin e Butrintit.

Në një status në rrjetet sociale, Zhupa ngre akuzat se Margariti përfiton 10 mijë dollarë në vit extra si anëtare e bordit të fondacionit.

Sipas saj, në detajet e shumta të kontratës së koncensionit të Butrintit është vendosur që 350 mijë dollarë të shkojnë si pagesë në xhepat e 5 anëtarëve e bordit të fondacionit.

?Koncensioni i Butrintit gëzon ministren e (ç)Kulturës Margariti me një përfitim extra 10 mijë dollarë në vit si anëtare e bordit të fondacionit.

980 mijë dollarë llogariten për anëtarët e bordit dhe për stafin mbështetës së tyre nga paratë e Butrintit. Ku 350 mijë dollarë janë pagesa në xhepat e 5 anëtarëve e bordit të fondacionit, një ndër të cilat është Elva Margariti.

Avokatja e lekëve të veta dhe jo e trashëgimisë tonë kulturore do paguhet dy herë: një herë me pagë mujore si ministre e Kulturës dhe një herë me honorare 10 mijë dollarë në vit si anëtare e bordit të fondacionit privat për Butrintin!

Ky është një nga detajet e shumta të kontratës së koncensionit të Butrintit, e quajtur marrëveshje, ku përfituesit e vetëm janë personat privat që do marrin Buntrintin, si dhuratë nga qeveria për 10 vjet!?, shkruan deputetja e PD./ CNA.al





Lajmet e fundit nga