web counter
LEXO PA REKLAMA!

SHKARKO APP

App Store
Google Play

E fundit!

x

Tabaku “i përvishet” Ramës/ Thirrje SPAK: Mos u step nga kërcënimet, trego peshkaqenët e incineratorëve

7 Maj 2022, 14:29, Politikë CNA

Kryetarja e Komisionit Hetimor për Inceneratorët, Jorida Tabaku, ka reaguar pas deklaratave të kryeministrit Edi Rama në Asamblenë Kombëtare të PS-së.

Në një postim në rrjetet sociale, Tabaku e cilëson Ramën si peshkaqenin kryesor të incineratorëve, ndërsa thotë se ironia qëndron te të arrestuarit për këtë aferë.

Deputetja e PD deklaron se kreu i qeverisë sot duhet të inkurajonte SPAK për të vazhduar hetimet për incineratorët dhe jo ta sulmonte atë.

Ajo thekson se SPAK nuk duhet të stepet nga kërcënimet e Ramës, pasi shqiptarët po presin të kuptojnë kush janë peshkaqenët e vërtetë pas incineratorëve.

?Peshkaqeni kryesor i incineratorëve po jepte sot leksione për drejtësinë e munguar. Ironia është që për aferën e inceneratorëve në burg janë veç 2 nga grupi strukturuar kriminal, pra cironkat si Bllako dhe Koka!

E udhës do qe që të inkurajonte SPAK për të vazhduar këto hetime që kanë zbuluar pas këmbënguljes së PD një aferë 430 mln euro. Nuk e bën këtë por mbrohet duke u ankuar se po goditen të tijtë. E trishtë! Kemi votuar SPAK jo për tu ankuar pse heton.

Inkurajoj SPAK të dërgojë përpara aferën e inceneratorëve. Të çojë përpara gjykatës GSK për 3 inceneratorët që janë 1 çështje.

Ndaj SPAK nuk duhet të stepet nga kërcënimet e Ramës. Shqiptarët po presin të kuptojnë kush janë peshkaqenët e vërtetë pas incineratorëve?, shkruan Tabaku./ CNA.al





Lajmet e fundit nga