web counter
LEXO PA REKLAMA!

SHKARKO APP

App Store
Google Play

E fundit!

x

Drafti i grupit të Alibeajt për zgjedhjen e Presidentit/ Reagon Bozdo: Janë kriteret e Ramës

9 Maj 2022, 08:27, Politikë CNA

Enkelejd Alibeaj dhe grupi i tij kanë përgatitur një draft me propozime për zgjedhjen e Presidentit të ri. Në draft kërkohet që PD-ja të propozojë 4 emra kandidatësh dhe emri përfundimtar do t?i dërgohet Parlamentit për votim vetëm pasi të arrihet një dakordësi mes mazhorancës dhe opozitës.

Kjo ka shkaktuar reagime nga ana e Komisionit të Rithemelimit. Eno Bozdo shkruan se, ky është një skenar i Ramës që synon kapjen e opozitës.

?Nuk mund të ketë propozime të asnjë deputeti të veçantë në emër të PD. Këtë tagër e ka vetëm Këshilli Kombëtar i Partisë Demokratike. Rezoluta e miratuar prej tij e përcakton qartë këtë fakt!

Dokumenti i shpërndarë dje në “emër të grupit parlamentar të PD”, nuk është gjë tjetër veçse disa kritere të Ramës,  të vendosura në gojën e atyre që jo vetëm nuk përfaqësojnë PD, por që kërkojnë që kështu zgjedhjen e presidentit t’ia lënë më dorë totalisht Ramës!

Rama nga ana e tij do deklarojë që zgjedhje ishte “konsensuale” me opozitën! Një skenar i turpshëm dhe bajat.

Është një skenar i tillë sepse synon një opozitë vasale, të kapur, të papërgjegjshme, në kurndërshtim me interesat e shqiptarëve! Kjo kohë ka mbaruar!

PD sot përfaqëson rezistencën politike dhe qytetare ndaj qeverisjes më të korruptuar në Evropë!  Si e tillë ajo do të mbrojë vetëm interesat e  Shqipërisë dhe shqiptarëve, dhe jo të Ramës dhe të shiturve tek ai!?, shkruan Bozdo./ CNA.al





Lajmet e fundit nga