LEXO PA REKLAMA!

SHKARKO APP

Basha qesharak, “zgjohet” vetëm për përkujtimore e përvjetore/ “Hedh në kosh” hallet e qytetarëve

17 Korrik 2022, 18:40, Politikë CNA
Basha qesharak, “zgjohet” vetëm për përkujtimore e
Lulzim Basha

Lulzim Basha ka vendosur të “zgjohet” dhe të bëhet aktiv. 9 vite në krye të PD-së, pasi nuk po ia llogarisim vitet e tjera kur ishte ministër dhe kryetar bashkie se atëherë ka pasur “shumë punë”, nuk i ka dalë koha të bëjë politikën e madhe. Tani Basha ka vendosur të kthehet “fuqishëm” dhe të merret me hallet e popullit.

Ka vendosur të merret me politikë, të komentojë ngjarje e situata, por këtë e bën nëpërmjet statuseve në "Facebook", se ka hall mos lodhet e konsumohet politikisht.

Sot ka reaguar duke kujtuar me mirënjohje poetët Vilson Blloshmi dhe Genc Leka, të cilët u ekzekutuan para 45 vjetësh nga regjimi komunist.

Gati një javë më parë ka reaguar duke dënuar të gjithë kriminelët që vranë e masakruan civilë të pafajshëm në Bosnjë dhe Kosovë.

Më 9 korrik, u ka uruar të gjithë besimtarëve Kurban Bajramin.

Më 7 Korrik ka folur në Parlament mbi rezolutën për gjenocidin serb në Srebrenicë.

Më 4 korrik ka uruar pavarësinë e SHBA-së.

Më 2 korrik ka kujtuar 32-vjetorin e protestave masive në Kosovë dhe lëvizjen e shqiptarëve drejt ambasadave në vitin 1990.

E kështu me radhë.

Po të shikosh "Facebook"-un e Lulzim Bashës, gjen vetëm përkujtime, përvjetore vdekjesh e lindjesh.

Në 90% të postimeve i ka ngushëllime vdekjesh e përkujtime të ngjarjeve të ndodhura në periudhën e diktaturës.

Mesa duket deputetin Basha, i cili është në parlament me votat e shqiptarëve, nuk e shqetëson asgjë tjetër.

Nuk e shqetëson keqqeverisja e kryeministrit Rama, i cili po e zhyt vendin në krizë të thellë ekonomike, krizë e cila ka bërë bashkë qindra mijëra shqiptarë, të cilët protesojnë në shesh.

Nuk shqetësohet për çminin e karburantit që ka vajtur në stratosferë. Nuk shqetësohet për çmimin e vajit, miellit, orizit, bulmeteve dhe perimeve, të cilat rriten dita-ditës.

Nuk shqetësohet për mungesën e rritjes së pagave.

Nuk shqetësohet për ikjen masive të shqiptarëve çdo ditë nga Shqipëria.

Nuk shqetësohet për mungesën e ndihmës për fermeret, të cilët çdo ditë po hedhin produktet e tyre se nuk gjejnë treg në vendin tonë.

Nuk e shqetëson vjedhja e shekullit, skandali i inceneratorëve, ku nga taksat shqiptare janë gllabëruar miliona lekë nga një grusht njerëzish.

Nuk shqetësohet nga mungesa e rendit dhe qetësisë në vend, që ke frikë të dalësh në rrugë apo të ulesh të pish një kafe se të fishkëllejnë plumbat në kokë.

Nuk shqetësohet nga vështirësia në të cilën ndodhet turizmi, pasi varfëria dhe abuzimet në këtë treg, kanë ulur numrin e pushuesve.

Nuk e shqetëson asgjë nga hallet e shqiptarëve.

Nga hija ku mund të ketë zënë vend, sepse kohët e fundit jemi mësuar ta shikojmë vetëm me valixhe në dorë e nëpër pishina, pa prishur terezinë kujtohet të bëjë ndonjë status me ngushëllime e përkujtimore.

Lulzim Basha, përpara se të bëjë indiferentin duhet t'u kërkojë falje shqiptarëve, të cilët i gënjeu dhe mashtroi politikisht duke i lënë prej 9 vitesh në opozitë, ndërkohë që për të mbajtur veten në krye të partisë, bënte pazare, afera e marrëveshje me qeverinë në kurriz të demokratëve dhe besimit që ata i dhanë./CNA.al

Lajmet e fundit nga