web counter
LEXO PA REKLAMA!

SHKARKO APP

App Store
Google Play

Ahmetaj tregon kush përjashtohet nga amnistia fiskale/ Përfitimet ekonomike  

15 Korrik 2022, 11:39, Politikë CNA

Ahmetaj tregon kush përjashtohet nga amnistia fiskale/ Përfitimet

Zv.kryeminsitri Arben Ahmetaj ka folur sot në lidhje me projektligjin për amnistinë fiskale.

Gjatë një takimi me përfaqësues të biznesit, ai theksoi se të dënuarit për vepra penale si krimi apo korrupsioni nuk do të amnistohen.

Po ashtu, Ahmetaj u shpreh se amnistia është shumë e rëndësishme për shkak të situatës ekonomike në të cilën ndodhet vendit.

Ai theksoi se paratë e deklaruara nuk mund të transferohen jashtë për 5 vite.

"Tërmeti i 2019 goditi mbi 7% të PBB, dëmi mund të shkojë edhe 9%. Dëme që duhen riparuar. Është pandemia, ka goditur të gjithë vendet e globit. Shqipëria e ka përballuar me sukses, por goditjet ekonomike kanë qenë të ndjera me gjithë paketa injektuese. E treta është invazioni rus në Ukrainë dhe kriza ekonomike me treguesin më të prekshëm që është inflacioni dhe në kategori të ndryshme të popullsisë është më i lartë. Ky kontekst ekonomik prek buxhetin. Amnistia është instrument i jashtëzakonshëm, shumë i rrallë dhe tenton të garantojë likuiditete të domosdoshme. Është hera e parë që propozohet legalizimi i kapitalit. Nuk bëhet fjalë. Amnistia penale nuk do të thotë që dikush që ka qenë i dënuar për vepra penale amnistohet. Te kategoritë e përjashtuara, ata janë të përjashtuar nga deklarimi vullnetar. Mundëson ligjësimin e pasurive të deklaruara ose të paregjistruara, amnisti fiskale dhe penale për të gjitha subjektet përfituese. Pasuritë e deklaruara nuk mund të transferohen jashtë vendit për një periudhë 5-vjeçare",-tha Ahmetaj./CNA.al





Lajmet e fundit nga