web counter
LEXO PA REKLAMA!

SHKARKO APP

App Store
Google Play

Braçe vazhdon rolin e opozitarit/ Kapet me ministren e Bujqësisë

14 Korrik 2022, 10:55, Politikë CNA
Braçe vazhdon rolin e opozitarit/ Kapet me ministren e
Deputeti Erion Braçe

Deputeti Erion Braçe ka vijuar të bëjë rolin e opozitarit edhe në këtë seancë plenare.

Ashtu siç ka bërë prej ditësh në rrjetet sociale, edhe ditën e sotme ka kritikuar ministren e Bujqësisë, Frida Krifca.

Gjatë fjalës së tij në Parlament, Braçe tha se situata me bujqësinë në vendin tonë është e jashtëzakonshme dhe se gjithçka është në duart e 100 sipërmarrësve të mëdhenj.

“Kam bërë populistin kaq kohë, kam mërzitur edhe Netën, edhe Pandin. Keq kam bërë. Vajta e ndava unë njerëzit e zakonshëm nga elita e bujqësisë, pastaj nxita mosbesim ndaj tyre. Në fakt, ata nuk i njeh kush aty ku janë fshehur. Rreth e rrotull bujqve, rreth e rrotull elitës së bujqësisë. Tani do të bëhem realist. Një person, deputeti e ka të pamundur këtë, ka si qëllim votën e drejtë e pa lekë, që pranon situatën, gjendjen siç është dhe është i përgatitur të flasë në përputhje me rrethanat. Fillon me 'jemi mirë', bujqësia po rritet. 0.01%, plus ishte pa kuptim.

3% më shumë jemi rritur, thoni. Por kjo nuk është normale sepse është rritur gjithçka. Është rritur edhe TVSH, që e votuat me qejf në fund të vitit. U rrit kostoja e gjithçkaje. Hëngrën dhe lopët njëherë si në shpar, si në nazar, pa nami të bëhet. Dëgjo, kjo është populiste, nuk është realiste. Lopët që numëron, vaksinon, patrikullon, i numëron prapë, është e padrejtë.

Tregtari po merr shumë, janë ato shifrat që shikoni, merr 2-3 herë më shumë se bujku. Bujku nuk ka për të kuptuar kurrë, paratë e tij i merr prodhuesi. I merr grumbulluesi. Kjo është bujqësia që po vjen, bujqësia sipërmarrëse, e përqendruar te 100 sipërmarrës të mëdhenj, që shpërndajnë rroga minimale te bujqit. Kjo nuk është normale, është e jashtëzakonshme. Në një botë tjetër, Mehmet Shehu e quajti monopolizim”, theksoi deputeti./ B.A. – CNA.al





Lajmet e fundit nga