E fundit!

10:16 Politikë

Murrizi paralajmëron Berishën: Koha e këllirave duhet të marrë fund ose do fundoseni

Ish-deputeti i Partisë Demokratike, Myslim Murrizi, ka rea...

Zbulohet aleanca e re Basha-Rama/ Ja skenari

13 Korrik 2022, 14:34, Politikë CNA

Ish-kryetari i Partisë Demokratike, në gati nëntë vite në drejtimin e Opozitës, duket se më shumë sesa opozitë, ka bërë rolin e “patericës” së kryeministrit në detyrë.

Gjithçka duket se ka nisur që me marrëveshjen e 17 majit 2017, detajet e së cilës nuk u bënë kurrë publike.

Pasi gënjeu demokratët, i futi në çadër e deklaroi se “zgjedhje me Ramën kryeministër nuk do ketë”, Lulzim Basha bëri marrëveshje me Ramën, hyri në zgjedhje dhe u shkaktoi demokratëve një katastrofë elektorale.

Por, pas 2017-ës kanë qenë disa rastet që kanë treguar qartë bashkëpunimin Rama-Basha. Mjafton të risjellim në vëmendje zgjedhjen e avokates së familjes së Bashës si Avokate e Popullit, djegia e mandateve gjë që i siguroi Ramës më pas një mazhorancë kushtetuese në parlament, bojkoti i zgjedhjeve vendore të 30 qershorit 2019, duke i lënë në tavolinë Ramës, 61 bashki, e kështu me radhë.

Zbulohet aleanca e re Basha-Rama/ Ja skenari

Por, me sa duket skenari vijon dhe aleanca e radhës Rama-Basha, duket të jetë zgjedhja e Avokatit të Popullit.

Skenari është i qartë dhe këtë herë po tentohet të bëhet nëpërmjet Enkelejd Alibeajt, i cili vijon të qëndrojë si kryetar i grupit parlamentar të PD-së dhe të keqpërdoret.

Pa mbledhur grupin parlamentar dhe pa respektuar asnjë procedurë ligjore, Enkelejd Alibeaj po tenton zbatimin e një skenari korruptiv, me qëllim që Avokat i Popullit të zgjidhet Ledio Braho, që është edhe i preferuari i Lulzim Bashës.

Pra, marrëveshja është e qartë. Duke qenë se emri i Avokatit të Popullit i takon Opozitës, Enkelejd Alibeaj zgjedh emrin që do Lulzim Basha dhe ia miraton Edi Rama.

Dhe me sa duket Lulzim Basha dhe Edi Rama po bëhen gati për bashkëqeverisjen e nesërme./CNA.al