web counter
LEXO PA REKLAMA!

SHKARKO APP

App Store
Google Play

E fundit!

x

Rama, kërkesë nga Brukseli/ “Të përfshihet Kosova në partneritetin për paqen”

13 Korrik 2022, 14:21, Politikë CNA
Rama, kërkesë nga Brukseli/ “Të përfshihet Kosova
Kryeministri Edi Rama

Kryeministri Edi Rama ka kërkuar nga Brukseli që Kosova të përfshihet në partneritetin për paqen.

Në konferencën e përbashkët me shefin e NATO-s, Jens Stoltenberg, Rama tha se duhet të konsiderohet pozita e Kosovës.

“Pata dhe një herë shansin t’ju them atë që kam përmendur tashmë në Samit. Nevojën për të konsideruar përfshirjen e Kosovës në partneritetin për paqe edhe pse e dimë që ka disa kufizime politike nga disa aleatë dhe e dimë që ky është organizëm konsensual. Megjithatë, në kohët ku jetojmë, në këndvështrimin tim modest, është vërtetë e mençur që kjo të rikonsiderohet.

Së fundmi në radhë, por jo nga rëndësia, e vlerësoj shumë disponibilitetin tuaj për të na kushtuar pak kohë në bisedën tonë për t’ju prezantuar ambicien tonë, për të shtuar një vlerë tjetër të rëndësishme në infrastrukturën dhe logjistikën e aleancës sonë, duke vënë në dispozicion të NATO-s një bazë të flotës detare të fjalës së fundit që do të jetë një vend që jo vetëm mund të ndërtojmë, por mund ta ndërtojmë duke patur parasysh sfidat e kohës sonë, nga ndryshimi i klimës, nga mbrojtja e mjedisit e gjithçka tjetër. Faleminderit shumë edhe për këtë dhe është përherë kënaqësi të kthehesh këtu dhe është gjithnjë e dobishme të kthehesh me energji të plota e të vazhdosh t’i shërbesh kësaj aleance të shenjtë”, theksoi kreu i qeverisë ndër të tjera./ B.A. - CNA.al





Lajmet e fundit nga