web counter
LEXO PA REKLAMA!

SHKARKO APP

App Store
Google Play

Projektligji që bashkoi deputetët e PD-së dhe PS-së/ Bushati ngre dyshime

13 Korrik 2022, 11:10, Politikë CNA

Projektligji që bashkoi deputetët e PD-së dhe PS-së/ Bushati

Deputetët e Partisë Demokratike dhe ata të PS-së, duket se janë “pajtuar” sot në lidhje me projektligjin për ndryshimet në Kodin Rrugor.

Gjatë debateve në Komisionin për Veprimtarinë Prodhuese, deputeti i PD-së, Helidon Bushati, vlerësoi projektligjin në fjalë, duke thënë se është I vetmi që nuk ka nga pas një oligark, por shtoi se “shpresoj mos ketë diçka nga pas”, duke hedhur dyshime mbi qëllimet e socialistëve.

“Është i vetmi ligj që s’ka nga pas një oligark. Natyrisht nëse s’keni vendosur të jepni me koncesion edhe policinë. Qeveria harton ligje në funksion të oligarkëve. Kjo praktikë u thye. Shpresoj të mos ketë pas diçka”, tha deputeti.

Bushati vlerësoi nismën, duke theksuar se ulja e shpejtësisë do të ndikojë pozitivisht, megjithatë solli në vëmendje se aksidentet në vendin tonë shkaktohen kryesisht nga të fortët dhe fëmijët e politikanëve, të cilët shkelin rregullat.

“Ajo që prek më shumë qytetarët është siguria rrugore.  Nuk kemi asgjë kundër. Por kjo nuk na ndalon të konstatojmë atë që po ndodh sot. Numri kryesor në aksidente vjen duke iu referuar të rinjve nga ata që janë të biznesmenëve dhe politikanë, nga njerëz të fortë që qarkullojnë pa patenta apo nga vetë persona të veshur me pushtet. Këto janë ato që shkelin më tepër Kodin Rrugor”, tha Bushati.

Deputeti shtoi më tej, se një problem tjetër është edhe niveli i dobët i rrugëve dhe mungesa e sinjalistikës./CNA.al

 





Lajmet e fundit nga