web counter
LEXO PA REKLAMA!

SHKARKO APP

App Store
Google Play

Delina Ibrahimaj përsërit vetveten/ Justifikohet për sistemin e taksimit

13 Korrik 2022, 10:21, Politikë CNA
Delina Ibrahimaj përsërit vetveten/ Justifikohet për sistemin e
Ministrja e Ekonomisë dhe Financave, Delina Ibrahimaj

Ministrja e Ekonomisë dhe Financave, Delina Ibrahimaj, ka përsëritur të njëjtat deklarata që ka bërë edhe më parë, në lidhje me taksat.

Gjatë një takimi me bizneset për investimet e huaja, Ibrahimaj tha se një sërë sektorësh që tërheqin bizneset kanë dobësira fiskale.

Ajo u justifikua për sistemin e taksimit, teksa u shpreh se situata e krizës ekonomike nuk e lejon qeverinë të ndryshojë sistemin e taksimit.

“Ka një sërë sektorësh, të cilat kanë dobësira fiskale dhe që janë tërheqëse për bizneset. Për bizneset është më i rëndësishëm mosndryshimi i shpeshtë i taksimit. Në fakt ka disa vite tashmë që duam të rishikojmë strategjinë afatmesme të të ardhurave, të cilat parashikojnë qartësisht se cilat do të jenë ato taksa që do të ndryshojnë për vitet në vijim.

Situata në të cilën ndodhemi nuk na lejon të ndërmarrim masa të tilla dhe të fillojmë të ndryshojmë sistemin e taksimit sepse është jashtë çdo këshille akademike që në një situatë krize, të fillosh të mendosh sistemin e taksimit, por mënyra se si ne kemi menduar që ta ndryshojmë këtë problematikë është pikërisht duke bërë një strategji të të ardhurave, ku parashikohet qartë se çfarë të taksash do të ndryshojnë në vitet në vijim, në mënyrë që edhe bizneset të bëjnë planet e tyre të biznesit”, theksoi ministrja.

Teksa u ndal te ligji për amnistinë fiskale, Ibrahimaj deklaroi se ka një nivel të lartë të parave informale.

“Ka një nivel të lartë të parave informale. Nga 1991-shi nuk ka pasur stimul për të legalizuar këto para. Kemi sistemet për të gjurmuar flukset e dyshimta të parave”, u shpreh ministrja./ B.A. - CNA.al





Lajmet e fundit nga