web counter
LEXO PA REKLAMA!

SHKARKO APP

App Store
Google Play

E fundit!

x

Projektligji për ndryshimet në Kodin Rrugor/ Zgjatet afati i patentave

13 Korrik 2022, 10:43, Politikë CNA

Projektligji për ndryshimet në Kodin Rrugor/ Zgjatet afati i patentave

Sot në Komisionin Parlamentar për Veprimtarinë Prodhuese po diskutohet në lidhje me projektligjin për ndryshimet në Kodin Rrugor.

Kreu i grupit parlamentar i Partisë Socialiste, Taulant Balla, ka prezantuar projektligjin, ku ndër të tjera është propozuar zgjatja e afatit të patentave nga 10 deri në 15 vite.

Po ashtu, Balla theksoi se në ndryshimet e reja është menduar kufizimi i shpejtësisë për shoferët e rinj në tri vitet e para që nga marrja e lejes së drejtimit.

“Ndryshimet që kanë të bëjnë me ndryshime të shpejtësitë për ata që marrin patentë për herë të parë i referohen modelit italian. Në kushte të një rritjeje të aksidenteve në Itali te moshat e reja ka ndërmarrë këtë politikë të kufizimit të shpejtësisë për tri vitet e para të djemve dhe vajzave të reja që marrin patentën. Kjo rezultoi që të ishte një masë e duhur. Sot në Europë aksidentet rrugore me të rinj janë 25% e të gjitha viktimave.

Dhe në këtë këndvështrim edhe KE ka filluar procedurat për një direktivë të re, për vendosjen e kufizimeve. Ne kemi sjellë si kufizim të vendosim atë që ka Italia, të kemi mundësi që tri vitet e para të ketë një kufizim shpejtësie deri në 80 km”, tha Balla.

Një nga propozimet e socialistëve është edhe shtyrja e moshës për shoferët e autobusëve nga 65 në 70 vjeç.

“Spostimi nga 65 në 70 vjeç është i nevojshëm duke pasur parasysh që këta lloj specialistësh ta bëjnë këtë punë deri në moshën 70 vjeç. Nuk doja të ndalesha shumë në detaje të tjera”, tha Balla./CNA.al





Lajmet e fundit nga