web counter
LEXO PA REKLAMA!

SHKARKO APP

App Store
Google Play

Ngjela sulmon Ramën/ Si i gëzoi politikanët në Moskë dhe Beograd

14 Korrik 2022, 09:10, Politikë CNA
Ngjela sulmon Ramën/ Si i gëzoi politikanët në Moskë
Avokati Spartak Ngjela

Avokati Spartak Ngjela ka reaguar lidhur me deklaratat e kryeministrit Edi Rama për rritjen e pagave.

Ngjela thotë se në Beograd e në Moskë ishin gëzuar shumë me Ramën, për kërkesën e ngritjes së rrogave deri në 800 000 mijë lekë të vjetër.

Me anë të një statusi në rrjetet sociale, ai shprehet se ngritja e çmimeve dhe rroga 300 mijë lekë të vjetër në Shqipëri, do të sjellë zbrazje, e sipas tij kjo sjell kënaqësi te Rusia dhe Serbia.

“Sipas burimeve të mia, në Beograd e në Moskë ishin gëzuar shumë me atë maskarallëk politik që tha kryeminstri i Shqipërisë Rama, në lidhje me kërkesën për ngritjen e rrogave deri në 800 000 mijë lekë të vjetra.

Bravo! Thanë politikanët e Beogradit.

Shumë mirë thanë ata të Moskës se, ngritja e çmimeve dhe me rrogën 300 mijë lekë të vjetra në Shqipëri, Shqipëria do të zbrazet.

Po Rama?

Sigurisht që është i gëzuar me këtë vlerësim kaq të madh të Moskës dhe Beogradit.

Po shqiptarët?

Shqiptarët nuk kuptohet se çfarë presin e nuk e hedhin me këmbë përpjetë këtë kryeministër kaq antishqiptar...”, shkruan avokati./ B.A. – CNA.al





Lajmet e fundit nga