web counter
LEXO PA REKLAMA!

SHKARKO APP

App Store
Google Play

Boçi, akuza të forta/ "Ramës i duhen të vdekurit për larje parash"

14 Korrik 2022, 17:03, Politikë CNA
Boçi, akuza të forta/ "Ramës i duhen të vdekurit
Nënkryetari i PD-së, Luçiano Boçi

Nënkryetari i PD-së, Luçiano Boçi, ka folur në Kuvend në lidhje me aferën e inceneratorëve, ku dhe ka hedhur akuza të forta ndaj kryeministrit Edi Rama.

Sipas Boçit, kjo është afera më e madhe korruptive e kësaj qeverie, duke theksuar se “inceneratorët kanë vdekur”.

Nënkryetari i PD-së, tha se Ramës të vdekurit i duhen për larje hesapesh, ndërsa të gjallët i duhen për pjesën e propagandës.

“Afera e inceneratorëve është sfida më e madhe dhe afera më e madhe e korrupsionit e kësaj qeverie. Me daljen e fakteve shumë prej të moshuarve nuk e dinë që janë të pasur. Ramës të vdekurit i duhen për larje parash ndërsa të gjallët i duhen për pjesën e propagandës. Inceneratorët kanë vdekur, ku është ai i Elbasanit, ka 9 muaj që është i fikur. Po ai i Fierit, nuk është vënë në punë fare. Po ai i Tiranës, ai i Tiranës ka vdekur pa lindur ende por megjithatë këto kanë gllabëruar miliona euro. Ky SPAK që ka 17 prokurorë me çfarë do të merret në këtë moment. Nëse krimi në Shqipëri legalizohet çfarë do të ndjekë për të luftuar korrupsionin”, tha Boçi./A.E-CNA.al





Lajmet e fundit nga