web counter
LEXO PA REKLAMA!

SHKARKO APP

App Store
Google Play

E fundit!

x

Berisha i bën premtim Aleancës për Mbrojtjen e Butrintit/ Nuk kursen Ramën

14 Korrik 2022, 14:47, Politikë CNA
Berisha i bën premtim Aleancës për Mbrojtjen e Butrintit/ Nuk
Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka premtuar jashtë Kuvendit se do të ofrojë të gjitha lehtësirat për Aleancën për Mbrojtjen e Butrintit, nëse do të vijë në pushtet.

Berisha ngriti të tjera akuza ndaj kryeministrit Edi Rama, të cilin e quajti persekutor të fjalës së lirë.

Ai përmendi projektin për ndërtimin e një tjetër baze të NATO-s në Porto Romano, teksa deklaroi se është megaskandal për qëllime korruptive.

“Jam këtu para jush për të përshëndetur përzemërisht, sekretarin e Përgjithshëm të Aleancës së Atlantikut të Veriut dhe për ta garantuar se Partia Demokratike ka qenë, është dhe mbetet fuqimisht një forcë proatlantike e vërtetë. Ajo mbetet e vendosur për një bashkëpunim sa më të ngushtë me Aleancën dhe garantoj edhe njëherë me këtë rast se është e gatshme t’i afrojë nesër në pushtet Aleancës, të gjitha lehtësirat aeroportuale dhe të tjera që asaj i duhen në territorin e Shqipërisë për përmbushjen e misionit të saj të madh.

Unë e përshendes gjithashtu për faktin se nuk e përtypi mashtrimin e paskrupullt të Ramës që për të mbuluar megaaferën e tmerrshme me Elemanin të përvetësimit të 1000 metër katrorë në Durrës kërkon ta mbulojë me angazhimin e NATO-s në Porto Romano. Ky propozim i Ramës është një megaskandal që kërkon të përdorë reputacionin e jashtëzakonshëm që ka Aleanca për qëllime korruptive.

Pata kënaqësinë të konstatoj se në konferencën e shtypit ndonëse Rama nisi recitimin e tij me portin e madhërishëm që do të ndërtohej, por Sekretari i përgjithshëm i NATO-s bëri sikur nuk kishte dëgjuar asnjë fjalë nga bashkëbiseduesi, por foli për rolin e Shqipërisë me Ballkanin dhe unë e përshëndes.

Nga ana tjetër është guxim i madh të dalësh e të shëtisësh kur ke damkën e një megakorruptori e një persekutori të fjalës së lirë, në një kohë kur bën gjithçka për të lartë paratë e krimit”, theksoi Berisha./ B.A. - CNA.al





Lajmet e fundit nga