web counter
LEXO PA REKLAMA!

SHKARKO APP

App Store
Google Play

E fundit!

x

Konferenca e parë ndërqeveritare/ Varhelyi: Presim lajme të mira

14 Korrik 2022, 19:32, Politikë CNA

Komisioneri për Zgjerim i BE-së, Oliver Varhelyi, ndodhet në Vlorë, i shoqëruar nga kryeministri Edi Rama, dhe Ministrja e Infrastrukturës dhe Energjetikës Belinda Balluku, ku kanë inspektuar "ByPass"-in e Vlorës, një projekt i ndërtuar me ndihmë financiare të Bashkimit Europian.

Varhelyi ka theksuar se Shqipëria ka përparuar shumë dhe është gati të fillojë Konferencën e Parë Ndërqeveritare.

Gjithashtu theksoi se nga kjo Konferencë do të ketë lajme të mira në lidhje me negociatat për anëtarësimin e Shqipërisë në BE.

"Brezat e mëparshëm nuk kanë dhënë atë që duhet të jepnin. Nuk ka ekonomi, shoqëri pa ndërlidhje, pa rrugë tregtare, rrugë që lehtësojnë tregtinë. Ne dëshirojmë që të jemi të rëndësishëm në mbështetjen tonë që ne të jemi bashkë me rajonin për të ecur përpara. Kemi bërë shumë punë gjatë kësaj kohe, dhe në të gjithë këtë punë që është bërë po ulim ndotjen e ajrit. Më parë janë dashur orë e orë të tëra për të bërë 20 km në qytet. Në këtë rrugë do të shohim shumë mjete të rënda që do të kalojnë këtu.

Për ne lidhja dhe ndërlidhja me njëri-tjetrin është një nga çështjet më të rëndësishme.

Kjo është pjesë e korridorit 8. Jam shumë krenarë për partnerët tanë. Pa partnerët tanë kjo gjë nuk do të ishte e mundur. Prandaj kjo tregon se sa e rëndësishme është puna që bëjmë për njëri-tjetrin.

Kjo rrugë nuk është bërë për ne, por për të mirën e përbashkët. Shprehsoj që kjo të jetë e para e gjërave që ne bëjmë së bashku.

Plani i investimeve ekonomike ka dy vjet që ka nisur dhe duhet të përshpejojmë gjërat. Inkurajoj Shqipërinë që të përshpetjojë punën edhe në këtë fushë. Shqipëria ka ecur shumë.

Shqipëria është gati për të filluar dhe konferencën e parë ndërqeveritare. Unë jam shpresëplotë se do të ketë lajme të mira", tha Varhelyi./ CNA.al





Lajmet e fundit nga