web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhja e avokatit të popullit/ Kuvendi dëgjon 20 kandidatët. Karrigia i lihet opozitës

15 Korrik 2022, 22:31, Politikë CNA

 

Zgjedhja e avokatit të popullit/ Kuvendi dëgjon 20 kandidatët.
Komisioni i Ligjeve

Kuvendi nisi procedurën për zgjedhjen e avokatit të popullit duke dëgjuar 20 kandidatët që aplikuan për këtë post. Drejtimi i këtij institucioni i është lënë ekskluzivisht opozitës si një marrëveshje e pashkruar politike.

Zgjedhja e avokatit të popullit do të jetë beteja e fundit politike në sallën e Kuvendit përpara se deputetët të shkojnë me pushime. Mazhoranca ka pranuar publikisht se zgjedhja do t’i lihet në dorë opozitës, por varet cilin nga grupimet brenda të djathtëve do të njohin socialistët si të tillë.

Ndërkohë, përpara deputetëve të Komisionit të Ligjeve dolën një nga një 20 kandidatët të cilët kishin shprehur ambicien për të drejtuar këtë institucion.

“Mirë se erdhët në komision”, u shpreh Bushka.

Jo të gjithë kandidatët kishin të njëjtin interes nga ana e deputetëve. Emra si Besim Ndregjoni, Dorian Gjomarkaj, Erinda Ballanca, Ilirjan Rusmali e Ledio Braho ishin ata që morën më shumë vlerësime publike nga ana e deputetëve të të dy krahëve.

“Është një nga juristët më të mirë. Meriton edhe më shumë se kaq”, tha Majko.

Fjalët e Pandeli Majkos ishin për Ilirjan Rusmalin, kandidat të cilit i thurën më shumë elozhe deputetët e Komisionit të Ligjeve duke e vendosur, të paktën publikisht, në pole position për të fituar garën.

Por lavdet nuk ishin të pakta as për Avokaten e Popullit në Detyrë, Erinda Ballanca, e cila u paraqit virtualisht për shkak të infektimit nga COVID-19.

“Jeni treguar që i keni dhënë atij institucioni integritetin e duhur”, tha Çupi.

Opozita do të jetë ajo që do t’i propozojë shumicës kandidaturën për ta votuar. Por cila opozitë? Socialistët prej kohësh kanë vendosur si kusht se nuk mbështesin asnjë kandidaturë që merr firmën mbështetëse të Sali Berishës. Në këtë rast do të vijonte taktika e marrjes së propozimit nga Enkelejd Alibeaj, të cilin PS e njeh si përfaqësues të deputetëve demokratë në Kuvend. Por seanca e fundit parlamentare tregoi se edhe socialistët nuk e mohojnë më realitetin politik, informon "A2".

“Keni mundur edhe Enkelejdin që as diti kurrë ku ishte dhe as di ku do të shkojë”, tha Spiropali.

Zgjedhja e avokatit të popullit kërkon shumicë të cilësuar prej 84 votash./CNA.al





Lajmet e fundit nga