web counter
LEXO PA REKLAMA!

SHKARKO APP

App Store
Google Play

E fundit!

x

Atentati me tri viktima/ Berisha reagon ashpër, akuza ndaj policisë

17 Korrik 2022, 17:51, Politikë CNA
Atentati me tri viktima/ Berisha reagon ashpër, akuza ndaj policisë
Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka reaguar në lidhje me atentatin me tri viktima, që u regjistrua mesditën e sotme në mbikalimin e Fushë-Krujës.

Me anë të një statusi në rrjetet sociale, Berisha thotë se rendi dhe siguria janë në duart e mafies.

Duke iu referuar mesazhit të një qytetari dixhital, ai thotë se policia po ndiqte nga afër ngjarjen e po vendoste gjoba disa metra më tutje, por autorët u larguan si gjithnjë në drejtim të paditur.

“Rendi dhe siguria në duart e mafies. Krim horror, ekzekutim mafioz ditën për drekë i tre personave në mes të Fushë Krujës, dy prej të cilëve janë djegur në makinë. Policia ndiqte nga afër ngjarjen, duke vendosur gjoba disa metra më tutje. Sipas policisë, vrasësit largohen si gjithnjë në drejtim të paditur, me ose pa ndihmën e saj.

*Lexoni mesazhin e qytetarit dixhital. sb

Sipas dëshmitareve që kanë pa tmerr me sy thonë se; autorët kanë qëlluar me breshëri të dy automatikëve në ecje paralel të makinave duke i lënë të vdekur në vend shoferin dhe pasagjerin, pasi janë larguar për disa metra kanë parë nga pasqyra që një person i tretë doli nga makina e viktimave, atëherë janë kthyer sërish dhe e kanë qëlluar edhe personin e 3-të për vdekje dhe aty kanë djegur edhe makinën, ndërsa policia e Rilindjes ka qenë disa metra më tutje duke soditur krimin dhe gjobitur qytetarët! Nuk dihet roli i saj në këtë masakër, por vendi i zgjedhur nga vrasësit flet vet. Viktimat e krimit horror janë D. Vata, B. Martini, B. Hoxha”, shkruan Berisha./ B.A. - CNA.al





Lajmet e fundit nga