Basha vazhdon “ëndërron”/ E quan veten kryetar të PD-së

8 Korrik 2022, 18:01, Politikë CNA

Basha vazhdon “ëndërron”/ E quan veten kryetar të

Lulzim Basha

Lulzim Basha pas tetë vitesh dështim në krye të PD-së dha dorëheqjen e vonuar, duke u larguar me turp nga drejtimi i partisë më të madhe opozitare në vend.

Për tetë vite rresht, ai tradhtoi çdo kauzë të qytetarëve, artistëve, apo demokratëve, duke e çuar partinë më të madhe në opozitë nga njëra humbje në tjetrën.

Vendimi i ish-kryedmokratit për përjashtimin e Sali Berishës nga grupi parlamentar dhe bashkëqeverisja me mazhorancën bëri që të braktisej në masë nga demokratët, të cilët vendosën për ta shkarkuar atë nga Kuvendin e 11 dhjetorit.

Por protestat e 8 janarit, do të tregonin një tjetër anë të Lulzim Bashës. Bunkerizimi i partisë dhe dhuna ndaj demokratëve nuk do të harrohet lehtë.

Pavarësisht se kujt i shërbente dhe nga kush mbahej peng, Basha vendosi që të largohej nga drejtimi i partisë, dhe drejtimin e partisë t’ia linte Enkelejd Alibeajt, për të çuar deri në fund marrëveshjet që kishte me Edi Ramën.

Por largimi i Lulit nga selia e PD-së, për demokratët do të përkthehej si shpëtim, ndonëse tentimet për të mbajtur vulën e partisë ishin të mëdha. Jo vetëm kaq. Luli “vodhi” edhe faqen zyrtare të PD, që aktualisht menaxhohet prej njerëzve të tij.

Endri Hasa nuk është “shefi” vetëm i faqes së PD, por edhe i adresës personale të Lulzim Bashës.

Edhe pse të gjithë tashmë e kanë pranuar realitetin se Luli nuk është më kryetar i PD-së, Hasa nuk bie dakord me këtë fakt.

Mjafton të hedhësh një sy në faqen zyrtare të Lulzim Bashës, ku sheh se ai mban akoma të shënuar se është kryetar i PD-së.

Basha vazhdon “ëndërron”/ E quan veten kryetar të

Sali Berisha u votëbesua nga demokratët për drejtimin e partisë. Pas kësaj, u zhvilluan edhe zgjedhjet për organet e tjera drejtuese, sekretar të përgjithshëm, nënkryetar, dhe anëtarët e Këshillit Kombëtar dhe Kryesisë.

Madje, PD-ja dje organizoi edhe protestën e radhës, ku mbështetja u pa qartë, me mijëra qytetarë u derdhën në bulevardin "Dëshmorët e Kombit".

Por kjo gjë nuk po i bind akoma pakicën e dështuar të PD-së. Endri Hasa nuk dëshiron të bëjë asnjë ndryshim dhe vazhdon të “ëndërrojë” për Lulin kryetar./CNA.al