LEXO PA REKLAMA!

SHKARKO APP

Rama, Kovaçevksi dhe Vuçiçi, takim online/ Çfarë u diskutua

8 Korrik 2022, 14:48, Politikë CNA

Rama, Kovaçevksi dhe Vuçiçi, takim online/

Kryetari i Qeverisë së Maqedonisë Veriore, Dimitar Kovaçevski, sot mbajti takim online me Presidentin e Serbisë, Aleksandar Vuçiç dhe me Kryeministrin e Shqipërisë, Edi Rama, dedikuar intensifikimit të bashkëpunimit për tejkalimin e përbashkët të vështirësive në furnizimin me ushqim dhe energji, si dhe për të përballuar bashkërisht zjarret e mundshme në të tria vendet këtë verë.

Liderët ranë dakord për krijimin e grupeve të përziera ndërsektoriale të punës për temat e krizës dhe me qëllim krijimin e një agjencie të përbashkët për tërheqjen e investimeve të huaja në "Ballkanin e Hapur".

Në takim morën pjesë zëvendëskryeministrat për Çështje Europiane dhe Çështje Ekonomike, Bojan Mariçiç dhe Fatmir Bytyqi, koordinatori nacional për "Ballkanin e Hapur", Marjan Zabërçanec, drejtori i SHA “Elektranat e Maqedonisë së Veriut”, Vasko Kovaçevski dhe Branko Azeski, kryetari i Odës Ekonomike të Maqedonisë së Veriut.

Kryeministri Kovaçevski shprehu falënderime për mbështetjen e hapur që Presidenti Vuçiç dhe Kryeministri Rama e kanë shprehur në lidhje me propozimin e modifikuar europian, duke informuar se propozim-korniza negociuese për Republikën e Maqedonisë së Veriut me Bashkimin Europian përfaqësuar nga presidenca franceze e BE-së, Qeveria e përcolli në Kuvend për shqyrtim dhe miratim të konkluzioneve të mëtutjeshme, në përputhje me procedurat e Kuvendit të Republikës së Maqedonisë së Veriut.

Rama dhe Vuçiç veçmas përsëritën mbështetjen e tyre për aktivitetet e ndërmarra nga Kryeministri Kovaçevski, gjerësisht hapjen e konsultimeve të gjera me aktorët shoqëror në vend, duke theksuar se e ardhmja europiane e rajonit është e vetmja mundësi e mirë për qytetarët e Maqedonisë së Veriut, Shqipërisë dhe Serbisë.

Në takimin e sotëm, liderët e nismës "Ballkani i Hapur" theksuan rëndësinë e aktiviteteve të ndërmarra për shfrytëzimin e lidhjes rajonale dhe për të mundësuar lëvizjen e lirë të njerëzve, kapitalit, mallrave dhe shërbimeve, e cila tashmë ofron përfitime ekonomike për të gjithë qytetarët.

Në takim u theksua se përgatitjet për panairin e madh të verërave, ushqimit dhe turizmit në Serbi po shkojnë mirë, në të cilin kantinat dhe prodhuesit e verës nga të tria vendet do të kenë mundësinë t’i prezantojnë produktet e tyre para mysafirëve nga rajoni dhe Europa./Alsat

Lajmet e fundit nga