web counter
LEXO PA REKLAMA!

SHKARKO APP

App Store
Google Play

“Edi Rama është demon”/ Berisha nuk kursehet ndaj kryeministrit: Ka rikthyer modelin e Enver Hoxhës

8 Korrik 2022, 12:41, Politikë CNA

“Edi Rama është demon”/ Berisha nuk kursehet ndaj

Kryetari i Partisë Demokratike, Sali Berisha, i është drejtuar me tone të forta sot kryeministrit Edi Rama, duke e cilësuar si një “demon pushteti”.

Gjatë një deklarate për mediat, Berisha tha se Rama ka rikthyer modelin e Enver Hoxhës, i cili ishte përmbysur nga shqiptarët.

“Edi Rama është 'demon pushteti', ka vetëm modelin e etërve të tij dhe pushtetin e përdor për vjedhjen e tij të pandalshme, të pangopur dhe për mjerimin e qytetarëve.

Nëse e kam shpallur dje armik, e kam shpallur për votën.

O do votojnë shqiptarët ose e ardhmja e tyre nuk ekziston.

E keni parë çfarë ka bërë? Hoqi votimin në PS.

Vendosi ekzakt modelin e Enver Hoxhës. Edhe ky mbledh kryesinë e cakton.

Ky është armik i egër i lirisë, duhet të ikë”, -tha Berisha.

Ndërsa i pyetur nga gazetarët nëse PD-ja është gati për zgjedhje të parakohshme, Berisha tha se protesta e djeshme e dha përgjigjen.

“Mendoj se tubimi i misionarëve dje dëshmoi se ku ndodhet PD-ja me veten e saj. Ishte një përgjigje. PD-ja ishte në protestë.

Nëse ka individë që preferojnë të ngrenë dolli me Edi Ramën është puna e tyre.

Por PD-ja dje ishte më e bashkuar se kurrë, në misionin e saj me qytetarët shqiptarë. Largimi i Ramës, është obligimi më imediat.

Në këtë rast nuk është çështje pushteti, themelore është përmbysja e komunizmit, ndëshkimi i vjedhjeve dhe mbulimi që u bën SPAK-u dhe prokuroria”, -u shpreh Berisha./CNA.al





Lajmet e fundit nga