LEXO PA REKLAMA!

SHKARKO APP

Basha, gati rikthimin në shtator/ Zbulohet skenari

26 Gusht 2022, 12:02, Politikë CNA
Basha, gati rikthimin në shtator/ Zbulohet skenari
Lulzim Basha

Ata që menduan se Lulzim Basha iku dhe nuk ka për t'u kthyer, e kanë gabim. Lulzim Basha është shembulli i kolltukofagut, fjalimit të famshëm të Nolit ne vitin 1924, askush nuk mund ta shkulë Lulin.

Menduan se u largua, pasi e hoqi Berisha nga kreu i PD-së, por jo. Është deputet dhe bashkë me grupin e tij po bëhet gati për rikthim.

Ditët e fundit në rrjetet sociale kanë filluar mbështetësit e tij të postojnë foto, mesazhe, meme, të cilat lidhen me Lulzim Bashën dhe me faktin se ata që mbështetin Berishën tashmë po e tradhtojnë dhe po shkojnë te Luli, sepse Luli është njeriu normal, Luli është njeriu që s’ka lidhje me ish-komunizmin, me Sigurimin e Shtetit dhe të tjera si këto.

Në fakt, CNA.al ka mësuar nga një burim pranë Lulzim Bashës, se në shtator ai dhe grupi i tij do të kenë një axhendë të mirëpërcaktuar.

Së pari, do të mbështesin lëvizjet e qeverisë në lidhje me dekomunistizimin, duke tentuar kështu të godasin Berishën.

Së dyti, do të mbështesin sërish ligjin e Ramës për ish-Spiunët e Sigurimit në politikë, që mesa duket të dyja këto ligje kanë qenë një proces i dakordësuar i Lulzim Bashës për t'u rikthyer në skenën politike pas venitjes së tij.

Gjatë muajve të fundit ku Berisha rimori PD-në dhe e detyroi të dilte nga selia së bashku me një grup të vogël njerëzish të cilët kryesisht rrijnë pas Bashës se pari për inat të Saliut, dhe së dyti janë ata që kanë blerë madatët apo asnjë kontribut në politikë kanë bërë karrierë në Partinë Demokratike.

Basha, gati rikthimin në shtator/ Zbulohet skenari
Lulzim Basha dhe Gazment Bardhi

Së treti, janë inatçinjtë. "Për inat të vjehrrës shkoj te mullixhiu".

CNA.al ka mësuar të tjera detaje në lidhje me aktivitetin e Lulzim Bashës.

Në shtator ai do të fillojë të zbresë dhe në terren për të tentuar që të krijojë një grup qëndrese brenda PD-së me shpresë se gjykata do t'i kthejë vulën dhe me rikthimin e vulës do të rikthehet në selinë e Partisë Demokratike .

Nga ana tjetër, paralel me votimin e ligjeve të Ramës në Parlament që duket qartazi që janë kundër Berishës dhe Metës dhe takimeve që do të zhvillojnë, Lulzim Basha po përgatitet të bëjë një strukturë paralele.

Një strukturë piramide drejtuese, e cila mund të mos shpallet zyrtarisht, pra mund të mos jetë një strukturë politike e njohur nga opinion publik, por është përgatitur një strukturë zinxhir komandues për të gjithë trupën elektorale që shpreson Basha të marrë me vete.

Pra, ai vetë si kryetar, me një kryesi, me një pjesë të grupit parlamentar, me Alibejan si kryetar grupi, me vetë Gazment Bardhin apo dhe të tjerë që do të marrin poste organizative dhe drejtuese në këtë parti paralele të Lulzim Bashës, e cila në fakt mund të regjistrohet si një parti e re në gjykatë në momentin që kjo e fundit nuk i jep vulën Bashës, por lë Berishën në krye të Partisë Demokratike./CNA.al

Lajmet e fundit nga