web counter
LEXO PA REKLAMA!

SHKARKO APP

App Store
Google Play

E fundit!

x

Akuzat për lobim e pastrim parash/ Meta paralajmëroi padi për shpifje dhe u tërhoq, justifikohet se studiot ligjore kërkojnë shumë lekë

25 Gusht 2022, 14:27, Politikë CNA
Akuzat për lobim e pastrim parash/ Meta paralajmëroi padi për
Ilir Meta

Prokuroria e Posaçme kundër Korrupsionit dhe Krimit të Organizuar ka nisur dje hetimet për ish-presidentin Ilir Meta, aktualisht kreu i Partisë së Lirisë.

Meta është pjesë e hetimeve që po kryehen në kuadër të një procedimi penal të bërë në qershor të këtij viti nga ish-deputeti Halit Valteri.

Meta sipas padisë, akuzohej për lobim dhe pastrimn parash dhe kjo erdhi pas një artikulli të botuar në gazetën austriake, "Kronen Zeitung".

Artikulli akuzonte ish-Presidentin Ilir Meta se kishte paguar 700,000 mijë dollarë për lobim përmes një kompanie qipriote guaskë, që të siguronte një foto në ceremoninë e inaugurimit të ish-Presidentit Amerikan Donald Trump.

Asokohe Meta deklaronte se media kishte shpifur ndaj tij dhe do të ndërmerrte hapa ligjorë, për të cilat do të vinte në dijeni dhe ambasadën austriake në Shqipëri dhe tonën në Austri.

Megjithatë kjo padi nuk u bë kurrë.

Lidhur më këtë, është pyetur sot në një lidhje me Euronews, ku Meta është justifikuar se gjyqi kishte kosto të larta.

“Nuk e kallëzova, sepse kjo gjë m'u vlerësua e panevojshme dhe jo produktive nga disa kompani që merren me çështjet e shpifjeve nga mediat.

Gjyqi sigurisht ishte i fituar, por për shkak të ligjeve austriake ishe një shpërblim i  përmasve modeste, dhe shpenzimet ishin të larta.  300 euro ora për një studio ligjore!

Nuk kemi kohë as të harxhojmë energji të kota. Nuk ka nevojë sepse ajo dihet si gazetë që prodhon skandale”, tha Meta./CNA.al





Lajmet e fundit nga