web counter
LEXO PA REKLAMA!

SHKARKO APP

App Store
Google Play

Kur do e padisë Genta Sula, zyrtaren e LSI-së që e kërcënoi për dosjen e Ilir Metës?

24 Gusht 2022, 11:40, Politikë CNA
Kur do e padisë Genta Sula, zyrtaren e LSI-së që e
Genta Sula

Një telefonatë e ashpër, kërcënuese dhe fyese ka ndodhur midis një zyrtareje të lartë të LSI-së dhe drejtoreshës së Autoritetit të Dosjeve në ditën kur u publikua informacion në media, se shtetasi Ilir Metaj kish qenë bashkëpunëtor i Sigurimit të Shtetit.

Telefonata është kryer në një ambient ku zonja që ka bërë dhe kërcënimin ka qenë me shumë bashkëpunëtorë të tjerë. E ka telefonuar, dhe me tone të ashpra, fyese i ka kërcënuar Genta Sulën e Autoritet të Dosjeve duke i kërkuar të dalë në konferencë shtypi dhe të përgënjeshtrojë menjëherë gjithçka po jepej në media.

Në fakt nuk dihet se cila ka qenë përgjigja nga ana e vetë Sulës, pasi informacioni i ardhur në CNA, është nga zyra ku ka ndodhur telefonata. Por reagim nga Genta Sula nuk pati.

Burime nga Autoriteti i Dosjeve konfirmuan për CNA.al, telefonatën e ashpër, por sipas tyre Autoriteti do të mbajë qëndrim në zbatim të ligjit dhe vetëm të ligjit, dhe jo në bazë të veprimeve të nxituara po kërcënimeve që vijnë nga individë të caktuar.

Në fakt Genta Sula duhet të denoncojë, jo vetëm publikisht por dhe në Prokurori personin që e ka kërcënuar në telefon për shtetasin ilir Metaj, i cili është akuzuar se ka qënë bashkëpunëtor i Sigurimit të Shtetit, dhe se dosja e tij është mbajtur e fshehtë.

Kur do e padisë Genta Sula, zyrtaren e LSI-së që e
Ilir Meta

Në asnjë rast vetë Ilir Meta-j nuk ka kërkuar hapjen e dosjes, por po luan me skenarë për të kallzuar Autoritetin me pretendimin se gjoja dosja ka qenë e manipuluar, të manipulojë dhe ndonjë dëshmitarë dhe historia të na ndodhë ashtu siç ndodhi me videon e transmetuar me zë dhe figurë në Fiks Fare ku gjykata vendosi se nuk e kishin parë shqiptarët dhe nuk ekzistonte.

Gjithsesi, pritet reagimi publik i Genta Sulës, zyrtares të Autoritet të Dosjeve e cila në këtë detyrë është propozuar nga Ilir Meta dhe emëruar nga kryeministri Edi Rama./CNA.al



 





Lajmet e fundit nga