web counter
LEXO PA REKLAMA!

SHKARKO APP

App Store
Google Play

“Të mësojmë nga kryeministrja finlandeze”/ Leskaj del me propozimin: Nga shtatori, test droge për të gjithë politikanët

23 Gusht 2022, 15:27, Politikë CNA
“Të mësojmë nga kryeministrja finlandeze”/ Leskaj del
Bujar Leskaj

Kryeministrja finlandeze, Sanna Marin, pas kritikave për videon e publikuar ku shfaqej duke kërcyer në një festë me miqtë e saj, i është nënshtruar testit të drogës. Këtë lajm e ka dhënë vetë ajo.

Lidhur më këtë ka reaguar dhe deputeti Bujar Leskaj. Përmes një postimi në rrjetet sociale, ai thekson se politikanët shqiptarë duhet të mësojnë nga kryeministrja finlandeze, Sanna Marin, e cila nuk u tremb aspak.

Kuvendin në shtator ta fillojmë, jo duke u marrë me dosje imagjinare apo të falsifikuara të ish-Sigurimit të Shtetit, por me kryerjen e testit të drogës, duke filluar nga kryeministri, thekson Leskaj në reagimin e tij.

Postimi i plote

Të mësojmë nga kryeministrja finlandeze Sanna Marin, e cila nuk ju tremb testit të drogës!

(Një postim ndërmjet seriozitetit dhe sarkazmës!)

Testi i drogës i kryeministres finlandeze Sanna Marin ka rezultuar negativ.

Kryeministrja finlandeze iu nënshtrua testit të drogës pas akuzave për përdorim droge, pasi në media qarkulluan disa filmime teksa kërcente pa tabu në klub me disa kolege dhe një këngëtar.

Nuk do të ishte më mirë që Kuvendin në shtator ta fillojmë, jo duke u marrë me dosje imagjinare apo të falsifikuara të ish- Sigurimit të Shtetit, por me kryerjen e testit të drogës, duke filluar nga kryeministri, (i akuzuar shpesh herë dhe ndër vite për përdorim të drogës!), ministrat e qeverisë, deputetët e Kuvendit dhe zyrtarët e tjerë të lartë të shtetit?...

(Besoj se ka teste që nxjerrin edhe cilësinë e mirë ose të keqe të drogës së përdorur!)

Ky do të jetë propozimi im në shtator sapo Kuvendi të rifillojë punimet!

v.o:

1- Do të ishte shans i madh për politikën, shtetin dhe shoqërinë një nismë e tillë, e cila do të sillte katarsisin duke filluar nga Lideri Global, kryeministri!

2- Që të mos merret si provokim, në qoftë se ndokush e ka merak, mund të bëhet edhe testi i varësisë nga alkooli!...

 





Lajmet e fundit nga