web counter
LEXO PA REKLAMA!

SHKARKO APP

App Store
Google Play

Kreu i partisë së inceneratorëve: Jemi nën regjimin e inceneratorëve

22 Gusht 2022, 22:04, Politikë CNA
Kreu i partisë së inceneratorëve: Jemi nën regjimin e
Ilir Meta, kreu i partisë së inceneratorëve

Ilir Meta, kreu i partisë së inceneratorëve, LSI-së, tashmë të quajtur Partia e Lirisë, ka folur sërish për aferën e inceneratorëve.

Gjatë fjalës së tij në kampin e të rinjve, në Jalë, Meta tha se sistemi aktual në Shqipëri, emrin më të mirë e ka regjimi i inceneratorëve.

Ai deklaroi se i gjithë shteti po punon në shërbim të pronarëve të inceneratorëve, që sot janë në kërkim nga autoritetet.

“Përmbyset rendi kushtetues në Republikën e Shqipërisë, që të bëhet një grusht shteti me procedura, duke shpikur ligje antikushtetuese mbi Kushtetutën, duke ardhur në këtë lloj sistemi të kalbur, që emrin më të mirë e ka regjimi i inceneratorëve. Një shtet i tërë që punon të mbledhë taksat e Fierit, Tiranës, Elbasanit dhe gjithë Shqipërisë, në mënyrë që të vazhdojnë ca persona në kërkim të vjedhin dhjetëra mijëra euro çdo ditë.

Sesi vjedhin gjithë shtetin me firmë kriminale, dhe sesi vjedhin me firmat e njerëzve që kanë vdekur për miliona euro, të tjerë të moshuar që janë nëpër azile atje dhe që pastaj figurojnë këtu. Se këta nuk kanë prioritet rininë, start-upet, meritokracinë dhe kërkojnë që të vetmit të rinj me të ardhme në këtë vend të jenë patronazhistët”, theksoi Meta./ B.A. – CNA.al





Lajmet e fundit nga