web counter
LEXO PA REKLAMA!

SHKARKO APP

App Store
Google Play

E fundit!

x

Berisha ngre sërish alarmin/ Jemi në shkretim, kombi po humbet me shpejtësi banorët

23 Gusht 2022, 17:40, Politikë CNA
Berisha ngre sërish alarmin/ Jemi në shkretim, kombi po humbet me
Kryetari i PD-së, Sali Berisha

Kryetari i PD-së, Sali Berisha, ka ngritur alarmin për largimin e shqiptarëve nga vendi, gjatë një bashkebisedimi me qytetarët e Dibrës, pasi vendosi kurorë me lule në monumentin ‘Elez Isufi’ & ‘Isuf Xhelili’.

Berisha tha se vendi ëhstë në shkretim, pasi pretendon se kombi humbet me shpejtësi banorët e tij.

Ish-kryeministri theksoi se në 8 vite u larguan nga Shqipëria mbi 744 mijë qytetarë vetëm në zonën e BE-së, pa llogaritur vendet e tjera të botës.

“Pasi dolëm nga diktatura komuniste, 32 vite më pas, përsëri rreziku qëndron mbi ne si ‘Shpata e Demokleut’. A jemi sot në rrezik apo po e teprojmë duke shpallur një gjë të tillë? A është Shqipëria në rrezik? A është Dibra në rrezik? Apo është një teprim? Le t’u referohemi fakteve. Një komb që humbet me shpejtësi banorët e tij, anëtarët e tij është në rrezik dhe rrezik të madh kudo.

Këto 8 vite asnjë komb tjetër nuk ka humbur pjesëtarët e vet sa i kemi humbur ne shqiptarët. Kjo nga viti 2014 gjer sot me statistika të sigurta të BE, vetëm në zonën e BE janë larguar nga Shqipëria 744 417 shqiptarë. Pa llogaritur sa kanë shkuar në vendet e tjera të botës. Po ju jap një shembull tjetër. Greqia pas Luftës së Dytë Botërore ra në luftë civile. Nuk ka asgjë më të keqe për një komb, 1 milion grekë u larguan. Kurse ne për 8 vite jemi larguar 26-27% e banorëve nga Shqipëria. Jemi në rrudhje të madhe, në shkretim, po ikën rinia, fëmijët, po ikën e ardhmja”, nënvizoi Berisha./ B.A. – CNA.al





Lajmet e fundit nga