web counter
LEXO PA REKLAMA!

SHKARKO APP

App Store
Google Play

E fundit!

x

Kush janë 4 deputetët e përjashtuar nga Alibeaj

10 Janar 2023, 17:17, Politikë CNA
Kush janë 4 deputetët e përjashtuar nga Alibeaj
Enkelejd Alibeaj

Siç raportoi më parë CNA.al, Ervin Salianji ka nisur mbledhjen e firmave për të shkarkuar Enkelejd Alibeajn si kryetar të Grupit Parlamentar të PD-së, për tu ulur vetë më pas në karrigen e tij.

Por ditën e sotme, Alibeaj ka përjashtuar nga grupi parlamentar 4 deputetë për të ulur numrin e firmave të mbledhura dhe sulmuar Belind Këlliçin kandidatin e PD për Tiranën.

Mësohet se Enkeled Alibeaj ka përjashtuar nga grupi i PD, Tritan Shehun, Oerd Bylykbashin, Belind Këlliçin dhe Agron Shehajn.

Alibeaj ka përjashtuar 4 deputetë të tjerë nga grupi parlamentar i Partisë Demokratike, midis tyre Belind Këlliçin duke i shërbyer kryebashkiakut Veliaj. 

Ky veprim i Alibeajt duket se vjen për të ulur numrin e deputetëve që kanë rënë dakord për përjashtimin e tij dhe për ti shërbyer Erion Veliajt, tashmë prova politike është publike.

Këtë vendim Alibeaj e ka justifikuar me pretekstin se 4 deputetët nuk janë distancuar nga dhuna e 8 janarit në përplasjen në selinë e PD-së.

“Sot, më datë 10.01.2023, ka përfunduar afati 1 vjeçar për distancimin e plotë dhe publik nga aktet e dhunës ndaj Partisë Demokratike të deputetëve të pezulluar Tritan Shehu; Oerd Bylykbashi; Belind Këlliçi dhe Agron Shehaj.

Në mungesë të aktit të distancimit, sipas vendimit nr.1 dhe nr. 1/1, datë 10.01.2022 të Kryesisë së Partisë dhe konfirmimit të Këshillit Kombëtar dhe Grupit Parlamentar të Partisë Demokratike në mbledhjen e datës 15.01.2022, nga sot hyn në fuqi masa e largimit zyrtarisht të tyre nga Grupi Parlamentar.

Për këtë qëllim, është njoftuar zyrtarisht Kuvendi i Shqipërisë që deputetët Tritan Shehu; Oerd Bylykbashi; Belind Këlliçi dhe Agron Shehaj nuk janë më pjesë e Grupit Parlamentar të Partisë Demokratike duke filluar nga data 11.01.2023”, njofton kreu në detyrë i grupit të vulës./ B.A. – CNA.al





Lajmet e fundit nga