web counter
LEXO PA REKLAMA!

SHKARKO APP

App Store
Google Play

Braktisi Metën për PS-në/ Blendi Klosi: Agron Çela ka mbështetje të konsiderueshme

9 Janar 2023, 21:46, Politikë CNA
Braktisi Metën për PS-në/ Blendi Klosi: Agron Çela ka
Sekretari Organizativ i Partisë Socialiste, Blendi Klosi

Deputeti Agron Çela la Partinë e Lirisë për të kaluar te Partia Socialiste, ndërsa ky vendim nuk u prit mirë nga Ilir Meta.

Në lidhje me këtë lëvizje ka folur mbrëmjen e sotme Sekretari Organizativ i Partisë Socialiste, Blendi Klosi, i cili tha se PS është si magnet.

Klosi deklaroi në Euroneës Albania se PS është forca politike më e madhe, më e organizuar dhe më fituesja në vend. Gjithashtu ai deklaroi se e mirëpritën Agron Çelën si një deputet që ka mbështetje të konsiderueshme qytetarësh.

“Kam marrëdhënie shumë të mira me zotin Çela dhe me shumë kolegë të PD-së në Parlament. E shikoj si një magnet që PS-ja është shumë e fortë, kjo ka qenë gjatë gjithë kohës. Një herë kemi pasur çarje, ajo çarje na humbi pushtetin në 2005-ën dhe nga ai moment, nuk ka pasur më ngjarje që nga PS-ja të largohet. PS-ja vazhdon të dëshmojë që është partia më e madhe, më e organizuar, më fituesja në vend dhe si e tillë është një magnet shumë i mirë për ata që duan që të ketë punë të mira për komunitetin.

Zoti Çela vjen si një deputet që ka mbështetje të konsiderueshme të shprehur në vite, në disa mandate në zonën ku ai funksionon, pra, ka forcën e tij politike personale dhe këtë ai e menaxhon për të mirën e komunitetit. Unë mbështes çdonjërin, partia është kryesorja, struktura është më rëndësishmja, njerëzit që na votojnë, janë ata që ne duhet t’i vlerësojmë”, theksoi Klosi./ B.A. – CNA.al





Lajmet e fundit nga