web counter
LEXO PA REKLAMA!

SHKARKO APP

App Store
Google Play

“Tu shkohet deri në fund parave të pista”/ Rama, ultimatum institucioneve për grabitjet e pastrueses

9 Janar 2023, 17:35, Politikë CNA
“Tu shkohet deri në fund parave të pista”/ Rama, ultimatum
Kryeministri Edi Rama

Kryeministri Edi Rama ka reaguar pak minuta më parë për arrestimin e Rozeta Dobit dhe djalit të saj Havier Dobi për grabitjen e banesës së ish-zyrtares së shtetit.

Me anë të një statusi në rrjetet sociale, Rama thotë se zbulimi i grabitjeve të Dobit në banesat ku punonte si pastruese vjen si rezultat i Reformës në Drejtësi.

Kreu i qeverisë i ka bërë ultimatum institucioneve t’i shkojnë deri në fund historive me para të pista.

“Nuk e di kur do ta kuptojnë disa që Reforma në Drejtësi dhe forcimi i institucioneve ligjzbatuese bëhen pikërisht për të pastruar llumin! Prandaj kur del llumi falë punës së këtyre institucioneve, s’duhet harruar se këto janë provat e vullnetit tonë kundër korrupsionit!

E thënë ndryshe, në një kohë tjetër policia apo drejtësia nuk ia nxirrnin kurrë lakrat në shesh njerëzve të veshur me kostum zyrtar, ndërsa sot kohët ndryshojnë përditë për mirë edhe në këtë drejtim! Sepse sot vullneti politik është i plotë dhe mburoja e vjetër politike ka rënë!

Unë uroj vetëm që t’u shkohet sa më shumë deri në fund historive të ulëta me para të pista dhe forca e ligjit të mos ndalojë përpara askujt, kur faktet provojnë se është shkelur ligji për përfitime të paligjshme, nga kushdoqoftë”, shkruan Rama./ B.A. – CNA.al





Lajmet e fundit nga