web counter
LEXO PA REKLAMA!

SHKARKO APP

App Store
Google Play

E fundit!

x

“Babalja” i Lulzim Bashës, kërkon kreun e Grupit të PD-së për Berishën

8 Janar 2023, 20:03, Politikë CNA
“Babalja” i Lulzim Bashës, kërkon kreun e Grupit të
Lulzim Basha dhe Ervin Salianji

Një intrigë e re politike në korridoret e opozitës.

Ervin Salianji, i njohur si deputeti “Babale”, po synon të marrë drejtimin e grupit parlamentar të PD-së. Gjithçka është konfirmuar nga burime zyrtare të PD-së, të cilat i thanë CNA.al se një lojë e tillë politike po ndodh.

Salianji kërkon mbështetjen e grupit të Berishës, duke siguruar edhe disa mandate deputetësh nga grupi i Bashës.

Shumë deputetë, megjithëse mbështetës të Bashës, kanë pakënaqësi për drejtimin e grupit nga Enkelejd Aibeaj, për shkak të arrogancës, por edhe veprimeve të tij individuale.

 

“Babalja” i Lulzim Bashës, kërkon kreun e Grupit të
Ervin Salianji dhe Sali Berisha

Shumë nga deputetët nuk e duan Alibeajn në krye të grupit, kjo i intereson tashmë edhe vetë Bashës dhe Gazmend Bardhit, të cilët kanë një betejë të heshtur me kreun e grupit të PD-së në detyrë. Vetë Alibeaj mësohet të jetë shprehur në takime të ngushta se ai është kreu zyrtar i PD-së sipas statutit, pasi Basha është dorëhequr pa kthim, e në rast se vula i jepet grupit të Bashës ajo i takon atij si kryetar legjitim i PD-së në detyrë, emëruar sipas statutit nga Gazmend Bardhi. Ky qëndrim ka shkaktuar shumë pakënaqësi brenda grupit të Bashës, ku askush nuk i detyrohet Alibeajt. 

CNA.al ka mësuar se Ervin Salianji duke shfrytëzuar këto pakënaqësi, por edhe duke përdorur gjyqin e tij në Apel për çështjen “Babale”, nga frika e një dënimi të mundshëm kërkon të mbrohet duke u bërë kreu i Grupit Parlamentar në PD i njohur edhe nga Berisha, megjithëse PD-ja e Doktorit, ka zgjedhur kryetar grupi Luçiano Boçin. Kandidimi i këtij të fundit për Bashkinë e Elbasanit e zgjidh ngërçin dhe debatin që mund të krijohej. Boçi humbet mandatin e deputetit dhe postin e nën/kryetarit të PD-së si kreu u Grupit Parlamentar të PD-së.

“Babalja” i Lulzim Bashës, kërkon kreun e Grupit të
Ervin Salianji me shkop bejsbolli në 8 janar

Ervin Salianji ka ofruar te Berisha emrin e tij për të marrë votat e për tu zgjedhur kreu i Grupit Parlamentar të PD-së për të larguar Alibeajn, e në rast se do zgjidhej Salianji do merrte dhe postin e nën kryetarit të PD-së te Berisha, por edhe në rast se vula kalon tek Basha, ai ngelej në të njejtin pozicion statutor, pasi zgjidhet nga Grupi Parlamentar. Salianji ka filluar mbledhjen e firmave dhe për tu zgjedhur kreu i Grupit të PD duhen të pakten 21 firma. Grupi i PD ka aktualisht 40 deputete.

“Babalja” i Lulzim Bashës, kërkon kreun e Grupit të
Grida Duma dhe Ervin Salianji

Salianji është një nga deputetët e Bashës që në 8 janar u vërsul me shkopinj në duar mbi protestuesit demokratë në selinë e PD-së, por pas zgjedhjeve të 6 marsit e drodhi duke sumuar Bashën dhe mbajtur një pozicion neutral së bashku me partneren e tij të dikurshme, Grida Dumën.

Kjo e fundit e la mandatin e deputetes për të shkuar si moderatore emisioni në televizionin e financuar dhe në ortakëri me pronarët e kërkuar të aferës së inceneratorëve./ CNA.al





Lajmet e fundit nga