web counter
LEXO PA REKLAMA!

SHKARKO APP

App Store
Google Play

Kandidati i Lulzim Bashës, i dënuar si hajdut në Itali/ Bëmat e Agron Kapllanajt

7 Janar 2023, 09:09, Politikë CNA

Kandidati i Lulzim Bashës, i dënuar si hajdut në Itali/

Agron Kapllanaj është kandidati i parë i Lulzim Bashës që ka konfirmuar se do të jetë në garë për Bashkinë e Mallakastrës në zgjedhjet e 14 majit.

Por sipas "BIRN", ai rezulton të jetë i dënuar për vjedhje.

Komisioni Qendror i Zgjedhjeve gjatë verifikimit të figurës për Kapllanajn, ka zbardhur bëmat e këtij të fundit.

Kandidati i Lulzim Bashës, i dënuar si hajdut në Itali/
Agron Kapllanaj

Kujtojmë se verifikimi nga KQZ bëhet sipas ligjit “Për garantimin e integritetit të personave që zgjidhen, emërohen ose ushtrojnë funksione publike”, u ndalohet e drejta për t’u zgjedhur në funksionet publike të deputetit, kryetarit të bashkisë ose anëtarit të Këshillit Bashkiak, personave me precedentë të mëparshëm penalë.

Verifikimi i thelluar i kryer nga Prokuroria ka nxjerrë në dritë dënime të hershme për Agron Kapllanajn.

"Birn" raporton se ish-kryetari i Bashkisë së Mallakastrës,  kandidat për kryetar bashkie në zgjedhjet e 14 majit, Agron Kapllanaj, sipas Prokurorisë, është dënuar në vitin 2004 në Firence të Italisë me 2 vjet burg dhe 300 euro gjobë për veprën penale të vjedhjes.

Kapllanaj nuk arriti të zgjidhej deputet, por vendimi i pritshëm i KQZ-së për verifikimin e figurës së tij mund të ndikojë në të ardhmen e tij politike, ashtu siç ka ndodhur me kandidatë të tjerë, si ish-kryebashkiaku i Vorës dhe jo vetëm.

KQZ zbardh edhe kandidatin për deputet të PSD-së.

KQZ këtë fillimviti përveç Kapllanajt ka verifikuar edhe figurën e kandidatit për deputet në zgjedhjet e prillit 2021, Kleo Murataj, nga Partia Social Demokrate.

Murataj, që vjen nga radhët e partisë së Tom Doshit, rezulton i dënuar nga gjykata e Tiranës në vitin 1991 me 2 muaj riedukim për veprën penale “armëmbajtje pa leje”./CNA.al





Lajmet e fundit nga