web counter
LEXO PA REKLAMA!

SHKARKO APP

App Store
Google Play

E fundit!

x

Pse Agron Kapllanaj është kandidati i Edi Ramës

26 Nëntor 2022, 19:00, Politikë CNA
Pse Agron Kapllanaj është kandidati i Edi Ramës
Agron Kapllanaj dhe Edi Rama

Agron Kapllanaj është kandidati i parë i Lulzim Bashës që ka konfirmuar se do të jetë në garë për bashkinë e Mallakastrës në zgjedhjet e 14 majit.

Por Kapllanaj është një nga personat më të akuzuar nga opozita për lidhjet me kryeministrin Edi Rama.

Menjëherë pas konfirmimit të tij si kandidat, Sali Berisha e cilësoi ish-kryetarin e degës së PD-së në Mallakastër si të kapur nga Rama dhe kjo nuk ishte hera e parë që ish-kryeministri e artikulonte këtë akuzë.

Pse Agron Kapllanaj është kandidati i Edi Ramës
Sali Berisha

Berisha dhe Partia Demokratike, kanë denoncuar se Kapllanaj ka fituar dhjetëra tendera nga qeveria dhe kishte zaptuar selinë e PD-së për interes të Edi Ramës.

Sipas PD-së, shoqëria ‘Shkëlqimi 07’, e krijuar në vitin 2007, ku administrator dhe ortak i vetëm është Shkëlqim Kapllanaj, vëllai i Agron Kapllanajt, ka marrë më shumë se mbi 6 milionë euro në vit nga ‘Rilindja’.

Agron Kapllanaj u pagua nga kompania e inceneratorit të Fierit

Gjithashtu CNA.al ka publikuar më parë dokumentet që tregojnë se kompania ‘Shkëlqimi 07’ ka nënshkruar një kontratë me kompaninë koncesionare të inceneratorit të Fierit.

Sipas dokumenteve, në 4 shtator 2021 kjo kompani ka nënshkruar një kontratë me “Integrated Technology Waste Treatment Fier”, për kryerjen e punimeve ndërtimore, për një vlerë prej 79 milionë lekësh ose 70 mijë euro.

Por nuk përfundon këtu. Sipas të dhënave të QKB dhe Thesarit të Shtetit, rezulton se nga muaji nëntor 2013 e deri më 31 dhjetor 2020, firma ka marrë afro 32 milionë euro tendera.

Afro 80% të tenderëve firma ‘Shkëlqimi 07’ i ka marrë në bashkitë dhe entet publike, të zonës Vlorë-Fier-Lushnjë-Berat.

Pse Agron Kapllanaj është kandidati i Edi Ramës
Agron Kapllanaj

Si lidhet Kapllanaj me shembjet në zonën e 5 Majit

Emri i kompanisë së familjarëve të Kapllanajt, ku bën pjesë edhe bashkëshortja e tij, është përfolur dhe akuzuar edhe për rindërtimin në zonën e 5 Majit.

Kjo zonë, ku banorët patën përplasje të forta me policinë, i është besuar për rindërtim kompanisë “Shkëlqimi 07”, në bashkëpunim me dy kompani të tjera dhe tenderi u është dhënë nga Bashkia e Tiranës, për të ndërtuar jo vetëm tek zona e 5 Majit, por edhe në disa zona të tjera Tiranës.

“Rindërtimi i njësive të banimit në ndërtesa (pallat) në zonën e shpallur për zhvillim të detyruar, në njësitë administrative 4 e 8, zona “5 Maji” Bashkia Tiranë.

Burimi i Financimit: Fonde të vena në dispozicion sipas V.K.M Nr. 645, datë 03.08.2020, “Përdorimin e fondit të rindërtimit për financimin e rindërtimit të njësive të banimit në ndërtesa (pallat) dhe ndërtesave publike në zonat e reja për zhvillim, në njësite administrative 4 e 8, zona “5 Maji” dhe njësinë administrative 6, zona “Kombinat” Bashkia Tiranë”.

Hartim i projektit dhe zbatimi i punimeve për ndërtimin e godinës 20 në zonën zhvillimore “5 Maji”, thuhet në objektin e tenderit.

Tenderi është mbajtur me datë 8.09.2020, në garë kanë marrë pjesë 12 operatorë dhe fituesi është shpallur me 18.11.2020, kompania “Shkëlqimi 07” me dy ortakë të tjerë me vlerën 321 750 000,00 Lekë.

Këto janë disa nga qindra milionët që Kapllanaj dhe të tijët kanë fituar nga Rilindja dhe Rama./ B.A. – CNA.al





Lajmet e fundit nga