web counter
LEXO PA REKLAMA!

SHKARKO APP

App Store
Google Play

E fundit!

x

'Ndihmon në nisjen e bisedimeve'/ Xhaçka, për marrëveshjen Kosovë-Serbi: Mbështesim dialogun

25 Nëntor 2022, 19:45, Politikë CNA
'Ndihmon në nisjen e bisedimeve'/ Xhaçka, për
Ministrja për Evropën dhe Punët e Jashtme, Olta Xhaçka

Ministrja për Europën dhe Punët e Jashtme, Olta Xhaçka, ka mbajtur një deklaratë të përbashkët me homologen e saj në Kosovë, Donika Gërvalla.

Xhaçka tha nga Prishtina, ku ndodhet për një vizitë zyrtare, se do të vazhdojë ta mbështesë Kosovën, ndërsa përshëndeti arritjen e një marrëveshjes me Serbinë.

“Ne vazhdojmë ta mbështesim Kosovën. Në këtë kontekst, është mbështetja ndaj dialogut dhe arritja e marrëveshjes së detyrueshme që sjell njohjen e Kosovës nga Serbia dhe anëtarësimin e Kosovës në OKB. Është domosdoshmëri për mbarë rajonin tonë”, u shpreh ajo.

Sipas saj, marrëveshja ndihmon jo vetëm në qetësim të situatës, por edhe në nisjen e bisedimeve për normalizimin e marrëdhënieve.

“Dua ta përgëzoj Qeverinë e Kosovës për marrëveshjen e para disa ditëve, që ndihmon jo vetëm në qetësim të situatës, por edhe në nisjen e bisedimeve për arritjen e marrëveshjes për normalizim të marrëdhënieve. Shqipëria e ka mbështetur dhe vazhdon ta mbështesë Kosovës në çdo hap të këtij procesi, sepse ky është interes kombëtar. I mirëpresim synimet e Kosovës për anëtarësim në organizatat evropiane”, theksoi Xhaçka./ B.A. – CNA.al





Lajmet e fundit nga