LEXO PA REKLAMA!

SHKARKO APP

“Nuk ka vendosur firmën e tij”/ Kryemadhi hedh dyshime mbi Ramën

24 Nëntor 2022, 23:04, Politikë CNA

“Nuk ka vendosur firmën e tij”/ Kryemadhi hedh dyshime mbi

Deputetja e Partisë së Lirisë, Monika Kryemadhi, hodhi dyshime mbi projektin e Portit të Durrësit.

Në fjalën e saj në Kuvend ajo ngriti pikëpyetjen se përse kryeministri Edi Rama nuk ka hedhur firmën e tij në një projekt kaq të rëndësishëm.

“Në pamje të jashtme duket një investim shumë i rëndësishëm në një pronë shtetërore. Ajo që të bën përshtypje është që çuditërisht kryeministri ynë nuk firmos asnjëherë në projekte të mëdha kaq moderne. Pse ky njeri që kërkon të vendosë damkën e tij në çdo projekt të Shqipërisë, globali ynë nuk vendos të firmosë por vë dy gra të firmosin. Ai është lider global, ne kemi nevojë për fasadën e tij. Ministrja e Financave i tha një kolegu më para se njërën prej kompanive e kanë sekrete dhe nuk mund të tregojnë kush fshihet pas saj. Mungesa e transparencës jo vetëm që ka çuar pas hekurave shumë drejtues por për inceneratorët thellohet skandali më shumë. Këto 2 miliardë e 80 milionë euro nëse do të investoheshin do të rrisnin rrogat e shqiptarëve. Në fakt do ndodhë e kundërta. Ky investim nuk do bëhet. Nëse kjo kompani offshore falimenton kush e mban përgjegjësinë për gjithë apartamentet e shitura? Po ashtu a cedohet këtu sovraniteti i vendit?”- u shpreh Kryemadhi./CNA.al

Lajmet e fundit nga