LEXO PA REKLAMA!

SHKARKO APP

"S'ka të bëjë me pastrim parash"/ Manja: Projekti i portit të Durrësit nuk shkel asnjë nen

24 Nëntor 2022, 19:13, Politikë CNA
"S'ka të bëjë me pastrim parash"/ Manja: Projekti
Ministri i Drejtësisë, Ulsi Manja

Ministri i Drejtësisë, Ulsi Manja, u është përgjigjur akuzave të opozitës për projektin e portit të Durrësit.

Manja tha në Kuvend se marrëveshja nuk shkel asnjë nen dhe nuk ka të bëjë me pastrimin e parave, pasi investitori është me emër dhe mbiemër.

Gjithashtu, ai theksoi se dhe prona publike nuk cenohet në asnjë rast.

“Thuhet që marrëveshja shkel MSA-në, thuhet se shkelet neni 71 dhe 71. Nuk ka asnjë shkelje të MASA-së, nenet thonë se janë të papranueshme marrëveshjet që rrezikojnë konkurrencën në treg. Në rastin konkret nuk jemi para një procedure konkurrimi, por të një investimi strategjik në Republikën e Shqipërisë. Kur shteti zbaton ligjet e veta, të drejtën e brendshme nuk ka cenim të konkurrencës së lirë në treg. Asnjë akt i BE apo Kushtetuta jonë nuk e ndalojnë krijimin e një shoqërie me aksioner shtetëror. Thuhet se shkelet neni 11 i Kushtetutës që thotë sistemi ekonomik i Shqipërisë zbaton ekonominë e tregut, prona private dhe publike mbrohet me ligj.

Në këtë rast shteti nuk kufizon lirinë ekonomike. Po shkelet Kushtetuta thotë opozita se shteti nuk garanton pronën publike, por prona publike nuk cenohet në asnjë rast pasi do të mbetet shtetërore, nuk do të vendoset si kolateral. Pronësia mbi marinën do të jetë pronë e shtetit shqiptar. Projekti i portit të Durrësit thotë se opozita është projekt për pastrim parash. Kur vihet theksi te ky indikator i opozitës bën lëmsh pasaportën e artë, amnistinë fiskale. E para, njëherë investitori strategjik ka emër dhe mbiemër. Me rëndësi në drejtim të luftës kundër pastrimit të parave janë garancitë juridike që jep vetë marrëveshja. Shteti edhe pse ka 33% të aksioneve ka të drejtën e vetos, të drejtën të auditojë investimet. Kontrata i ka të qarta mekanizamat kundër pastrimit të parave”, theksoi Manja./ B.A. - CNA.al

Lajmet e fundit nga