LEXO PA REKLAMA!

SHKARKO APP

E fundit!

x

Përdori fjalë fyese ndaj Taulant Ballës/ Petrit Vasili përjashtohet nga Kuvendi

24 Nëntor 2022, 17:15, Politikë CNA

Përdori fjalë fyese ndaj Taulant Ballës/ Petrit Vasili

Deputeti i Partisë së Lirisë së Ilir Metës, Petrit Vasili, zhvilloi një debat të ashpër në seancën plenare me Taulant Ballën.

Mes të tjerash, ai iu drejtua kreut të grupit parlamentar të PS-së me fjalët skizofren dhe idiot, gjë që duket se nuk është pritur mirë nga socialistët.

Pas kërkesës së deputetëve të PS, Sekretariati për Procedurat, Votimet dhe Etikën vendosi që Petrit Vasili të përjashtohet nga Kuvendi për 5 ditë.

Njoftimi:

U mblodh Sekretariati për Procedurat, Votimet dhe Etikën

Në drejtimin e znj. Klotilda Bushka, ditën e sotme u mblodh Sekretariati për Procedurat, Votimet dhe Etikën, për shqyrtimin e kërkesës së grupit Parlamentar të Partisë Socialiste, marrë shkas nga sjellja joparlamentare e deputetit z. Petrit Vasili, ku gjatë leximit dhe interpretimit jo të saktë të Rregullores së Kuvendit dhe në kundërshtim me procedurat, ju drejtua me fjalë fyese Kryetarit te Grupit të PS, z. Balla, në fillim të punimeve te seancës plenare, datë 24.11.2022.

Në zbatim të nenit 63 pika ç dhe nenit 65/1 të Rregullores së Kuvendit, Sekretariati vendosi me 3 vota Pro, marrjen e masës disiplinore “Përjashtim nga pjesëmarrja në komisione dhe në seancë plenare për 5 (pesë) ditë” për deputetin z. Petrit Vasili.

Ky vendim hyn në fuqi në datën 25.11.2022/CNA.al

Lajmet e fundit nga