web counter
LEXO PA REKLAMA!

SHKARKO APP

App Store
Google Play

"Projekti është shembull"/ Arben Ahmetaj: Porti i Durrësit, investimi më i madh në historinë e Shqipërisë

24 Nëntor 2022, 16:31, Politikë CNA
"Projekti është shembull"/ Arben Ahmetaj: Porti i
Arben Ahmetaj

Seanca e sotme parlamentare ka pasur mjaft përplasje dhe tensione mes mazhorancës dhe opozitës lidhur me projektin e Portit të Durrësit.

Teksa mbajti fjalën e tij në Kuvend, ish-ministri Arben Ahmetaj u shpreh se ky projekt duhet marrë shembull.

“Ne në sy na hyn edhe një qytetar shqiptar kur fiton punë, e jo më 12 mijë. Nuk ju pëlqen investitori, a kjo është një gjë tjetër. Ky që ndërton në emër të Princit të Kurorës për qytetarët qenka i mirë të ndërtojë apartamente, por jo i mirë të ndërtojë pallate e hotele. Pastaj dilni këtu dhe thoni ky ka aq para dhe ai aq para. Në aspektin legal ekonomik dhe transparencës projekti është shembull", tha Ahmetaj,

Ai shton më tej se seanca e sotme nuk po mbahet për të bindur opozitën lidhur me këtë projekt madhor.

”Kjo është seancë jo për t’i mbushur mendjen opozitës, projekti prezantohet si formati i tij juridik. Qeveria e Shqipërisë ka 33% të projektit më madhor në historinë e Shqipërisë, në Portin e Durrësit. Ka 2 shtylla kryesore, është marrëveshja me Emiratet. Vendimi ka të bëjë me transparencën me shqiptarët dhe jo ndaj jush. Se ju do kundërshtoni çdo lloj investimi, e bëni pis deri tek vetja. Ka dinamikë zhvillimi ekonomik. Çfarë i bën porti qytetit të Durrësit, i ka zënë frymën. A ka qytet të madh bregdetar pa port? Jo.  Vendimi i parë ishte spostimi i portit që t'i shërbejë Ballkanit Perëndimor. Në anën ekonomike. Do kemi marina, ndoshta pas aq vitesh do jemi a s’do jemi gjallë.  Kam dëgjuar, sa para ka ky e sa ka ai. Përfiton vendi, pak janë 1% e prodhimit të brendshëm. Pse pak janë 12 mijë vende pune.”- u shpreh Ahmetaj./CNA.al





Lajmet e fundit nga